Madog ap Gruffudd II

Arglwydd Powys Fadog oedd Madog ap Gruffudd II (bu farw 1277).

Madog ap Gruffudd II
Ganwyd	13 g
Bu farw	1277
Dinasyddiaeth	Cymru
Galwedigaeth	teyrn
Swydd	Powys Fadog
Tad	Gruffudd Maelor II
Mam	Emma d'Audley

Arfbais Powys Fadog

Etifeddodd deyrnas Powys Fadog yn y flwyddyn 1269 ar farwolaeth ei dad, Gruffudd Maelor II a rheolodd y dywysogaeth fechan o Gastell Dinas Brân, ger Llangollen. Roedd yn un o gefnogwyr amlycaf Llywelyn ap Gruffudd, Tywysog Cymru ac yn gynghreiriad hollbwysig oherwydd safle Powys Fadog yn rheoli'r mynediad i deyrnas Gwynedd o gyfeiriad Caer a'r Gororau. Ymddengys fod Llywelyn wedi seilio eu perthynas trwy drefnu i Fadog briodi ei chwaer Margaret ferch Gruffudd ap Llywelyn Fawr, yn 1258, symudiad a ddigiodd frenin Lloegr.

Lladdwyd Madog yn ystod rhyfel 1277 rhwng Llywelyn a brenin Lloegr, wrth amddiffyn ei diroedd yn erbyn ymosodiad y brenin. Olynwyd ef gan ei frawd iau, Gruffudd.

Mae'n bosibl ei fod wedi'i gladdu yn Abaty Glyn y Groes am ei fod, fel ei dad, yn noddi'r sefydliad hwnnw.