Maen Llia

Maen hir cynhanesyddol yw Maen Llia sy'n sefyll ar rosdir agored yng nghymuned Maescar, Brycheiniog, Powys. Yn eironig (o gofio'r enw) dyma un o'r meini hirion mwyaf yng Nghymru.

Maen Llia

Math	megalith, maen hir
Daearyddiaeth
Sir	Powys
Gwlad	Cymru
Cyfesurynnau	51.860799°N 3.563631°W
Statws treftadaeth	heneb gofrestredig, Henebion Cenedlaethol Cymru
Manylion
Dynodwr Cadw	BR017
Ffeiliau perthnasol ar Comin

Gweler hefyd Maen Llia (carnedd).

Lleolir Maen Llia rhwng Aberhonddu ac Ystradfellte ar rosdir uchel sy'n gorwedd rhwng cymoedd Llia a Senni, ym Mannau Brycheiniog. Cyfeirnod OS (Map 160): SN 924192.

Lleoliad a llun o'r maen hir.

Disgrifiad

Mae'n garreg fawr tua 3.7 medr o uchder a 2.8 medr ar draws ond gyda lled o 0.6 medr yn unig. Mae'n bosibl ei bod yno i dywys teithwyr rhwng y ddau gwm (h.y. carreg ddangos (Saesneg: Finger Stone). Mae'n debygol fod y maen wedi cael ei godi ar y safle rhywbryd yn yr ail fileniwm Cyn Crist.

Darganfuwyd arysgrif mewn llythrennau Lladin ac Ogam ar y maen yn y 1940au. Maent yn aneglur heddiw ond fe'i darllenwyd yn y 1940au fel:

ROVEVI / S...SOVI

a

VASSO(G?)

Mae un o ffyrdd Rhufeinig Cymru yn mynd heibio tua 300 m o'r safle, ac mae'n bosibl fod yr arysgrif honno yn cofnodi enw personol ac yn awgrymu fod y ffordd Rufeinig, a gysylltai Aberhonddu a Glyn Nedd, yn cael ei defnyddio'n rheolaidd yn yr Oesoedd Canol Cynnar.

Gweler hefyd

• Carnedd gron Gro Hill

Dolen allanol

• Llun o Faen Llia ar wefan Comisiwn Brenhinol Henebion Cymru.

Comin Wikimedia

Mae gan Gomin Wikimedia
gyfryngau sy'n berthnasol i:

Maen Llia