Agor y brif ddewislen

Golygydd a llenor Cymreig yw Menna Baines (ganwyd Gorffennaf 1965), sy'n enedigol o Fangor ond a dreuliodd rhan o'i phlentyndod yn Llanerfyl, Sir Drefaldwyn, cyn symud i Ben-y-groes yn Arfon.[1]

Menna Baines
Ganwyd Gorffennaf 1965 Edit this on Wikidata
Cymru Edit this on Wikidata
Dinasyddiaeth Baner Cymru Cymru
Galwedigaeth golygydd, Ysgrifennwr Edit this on Wikidata

Graddiodd ym Mhrifysgol Bangor a dilynodd gwrs MPhil yno hefyd. Bu'n is-olygydd ac yna'n olygydd celfyddydol Golwg rhwng 1988 ac 1991, ac yn olygydd Barn rhwng 1991 a 1996. Gweithiodd ar ei liwt ei hun yn 1996 yn ysgrifennu, golygu a sgriptio.[2]

Daeth yn rhan o dîm golygyddol Gwyddoniadur Cymru ym 1996 gan weithio i'r Academi Gymreig (Llenyddiaeth Cymru, bellach). Mae wedi disgrifio'r Gwyddoniadur fel "trydydd plentyn".[3] Cyhoeddwyd y Gwyddoniadur yn 2008, wedi naw mlynedd o waith. Dywed ar ei gwefan: Dyma’r cyfeirlyfr Cymreig mwyaf cynhwysfawr i’w gyhoeddi er y 19g., ac wrth weithio arno bûm i a’m cyd-olygyddion, sef Nigel Jenkins, John Davies a Peredur Lynch, yn byw ac yn anadlu Cymru am y rhan orau o ddegawd, gan roi trefn ar gryn 800,000 o eiriau, gwaith bron 400 o gyfranwyr.[4]

Ysgrifennodd gyfrol yn dadansoddi gwaith Caradog Prichard, Yng Ngolau'r Lleuad: Ffaith a Dychymyg yng Ngwaith Caradog Prichard.[3] Cafodd y llyfr ei restru ar restr hir Llyfr y Flwyddyn yn 2006. Cyhoeddodd hefyd Pum Awdur Cyfoes: Cyflwyniad i Fyfyrwyr Ail Iaith (1997).

Mae'n wraig i'r Athro Peredur Lynch. Dychwelodd at y cylchgawn Barn am yr ail dro yn 2009 fel cyd-olygydd.

LlyfryddiaethGolygu

  • (Tachwedd 1998) Yng Ngolau'r Lleuad: Ffaith a Dychymyg yng Ngwaith Caradog Prichard. Gwasg Gomer. ISBN 9781859026052

CyfeiriadauGolygu

  1. Gwefan Llenyddiaeth Cymru; adalwyd 12 Awst 2012
  2. Gwefan Llenyddiaeth Cymru; adalwyd 05/01/2013.
  3. 3.0 3.1  Llais Llên: Gwyddoniadur - holi golygydd. BBC. Adalwyd ar 22 Ionawr 2010.
  4. Gwefan Menna Baines; Amdanaf fi; adalwyd 05/01/2013.

Dolenni allanolGolygu