Mewn anatomi dynol, y migwrn (neu ffêr, pigwrn, swrn) ydy'r cymal colfach sydd rhwng y grimog (neu groth y goes) a'r droed. Yr un tarddiad o'r Gelteg *kornu ‘corn’ sydd i ddiwedd y gair migwrn a'r geiriau eraill asgwrn, cogwrn a llosgwrn.

Data cyffredinol
Enghraifft o'r canlynolanatomical structure (class) Edit this on Wikidata
Mathfree lower limb segment, anatomical structure (individual) Edit this on Wikidata
Tudalen Comin Ffeiliau perthnasol ar Gomin Wicimedia
Cefnblygiad (uchod) a gwadnblygiad (isod) y droed diolch i brif gymal y migwrn

Dyma ble mae esgyrn y tibia (asgwrn crimog) a'r ffibwla yn y goes yn cysylltu â'r talws (asgwrn ffêr) yn y droed. I fyny ac i lawr yn unig mae'r cymal talocrural yn caniatau ei ymsymud; fe'i defnyddir pan rydym yn cerdded (cefnblygiad) a phan rydym yn sefyll ar flaenau'r traed (gwadnblygiad).

Gwrthdroad (chwith) ac echdroad (dde) y droed diolch i'r ddau gymal arall

Mewn ystyr ehangach, fodd bynnag, mae'r gair migwrn yn cyfeirio nid yn unig at y cymal talocrural ond at yr ardal hwnnw'n gyffredinol. Mewn gwirionedd, mae'r ardal yma yn cynnwys tri chymal ar wahân a phedwar gewyn. Ceir y gewyn deltoid ynghyd â thri gewyn ochrol: y gewyn blaen taloffibiwlar, gewyn ôl taloffibiwlar a'r gewyn calcaneoffibiwlar. Mae'r ddau gymal arall - h.y. y cymal subtalar a'r cymal tibioffibwlar isaf - yn caniatáu i'r droed ymsymud o ochr i ochr, h.y. tuag at allan (echdroad) a tuag at i mewn (gwrthdroad).

Ysigiad y migwrn gyda throed chwyddedig. Mae pwysau aruthrol ar y migwrn a cheir llawer o broblemau mewn chwaraeon megis sboncen.

Oherwydd fod holl bwysau'r corff yn cael ei grynhoi mewn dau le bach, ceir llawer o broblemau, yn enwedig mewn chwaraeon; yr hyn a ddywedir, fel arfer, yw bod rhywun wedi ‘troi’ (h.y. ysigo) ei droed.

Wiktionary-logo-cy.png
Chwiliwch am migwrn
yn Wiciadur.
Skull template.svg Eginyn erthygl sydd uchod am anatomeg. Gallwch helpu Wicipedia drwy ychwanegu ato.