Ogof Coygan

Saif Ogof Coygan (Cyfeiirnod OS: SN28480913) ger Talacharn, Sir Gaerfyrddin. Carreg galch yw ei gwneuthuriad ac ynddi fe ddarganfuwyd olion dyn Neanderthal yn dyddio nôl hyd at 64,000 o flynyddoedd oed. Darganfuwyd tair bwyell bout coupè o'r cyfnod hwn, sef Hen Oes y Cerrig. Credir fod y dyn Neanderthal wedi cartrefu yn yr ogof yma tan tua 25,000 o flynyddoedd yn ôl. Bu'n lloches i'r udfil (neu'r heiena) am flynyddoedd wedi hynny.

Ogof Coygan
Mathsafle archaeolegol Edit this on Wikidata
Daearyddiaeth
SirSir Gaerfyrddin
GwladBaner Cymru Cymru
Cyfesurynnau51.75°N 4.49°W Edit this on Wikidata

Cafwyd hyd i olion nifer o anifeiliaid hefyd gan gynnwys: y rhinoseros gwlanog y mamoth gwlanog, y ceffyl a'r beison - bron i gyd yn dyddio nôl i'r Oes yr Iâ diweddaraf.[1] Gellir gweld rhai o'r ffosiliau hyn yn Amgueddfa Sirol Caerfyrddin[2]. Bu cryn archwilio archaeolegol yma, gyda'r prosiect diwethaf yn yr 1960au cyn i'r lle gael ei ddymchwel gan chwarel gyfagos.

Gweler hefydGolygu

CyfeiriadauGolygu

  1. "Gwefan Coflein". Archifwyd o'r gwreiddiol ar 2016-03-04. Cyrchwyd 2009-03-12.
  2. "Lluniau ar y we o rai o'r ffosiliau y gellir eu gweld yn Amgueddfa Sirol Caerfyrddin". Archifwyd o'r gwreiddiol ar 2012-07-09. Cyrchwyd 2009-03-12.