Owen Jones (Meudwy Môn)

Golygydd a hanesydd o Gymru oedd Owen Jones (15 Gorffennaf 1806 – 11 Hydref 1889), a oedd yn adnabyddus i'w gyfoeswyr wrth yr enw barddol Meudwy Môn.

Owen Jones
Ganwyd	15 Gorffennaf 1806  Llanfihangel Ysgeifiog
Bu farw	11 Hydref 1889
Dinasyddiaeth	Cymru
Galwedigaeth	gweinidog yr Efengyl, tiwtor, gweithiwr amaethyddol
Adnabyddus am	Cronicl yr Oes

Bywgraffiad

Ganed Owen Jones ym mhlwyf Llanfihangel Ysgeifiog, Môn yn 1806. Daeth yn weinidog gyda'r Methodistiaid Calfinaidd yn 1842 ac ymroddodd dros achosion y Feibl Gymdeithas a Dirwest.

Ef oedd golygydd cyntaf Cronicl yr Oes, yn 1835, ond rhoddodd heibio'r swydd i ofal Roger Edwards ar ôl dau rifyn yn unig.

Cofir amdano heddiw yn bennaf fel awdur dau lyfr sydd â lle pwysig yn hanes cyhoeddi llyfrau Cymraeg yn y 19eg ganrif, sef Cymru, yn Hanesyddol, Parthedegol a Bywgraphyddol (1875), Gwyddoniadur Cymru ei ddydd, a'r gyfrol uchelgeisiol Ceinion Llenyddiaeth Gymraeg (1876). Mae'r ail lyfr o ddiddordeb hynafiaethol yn unig erbyn heddiw, ond erys Cymru, yn Hanesyddol, Parthedegol a Bywgraphyddol yn ffynhonnell werthfawr i'r hanesydd.

Cyfeiriadau

Eginyn erthygl sydd uchod am lenor neu awdur o Gymru. Gallwch helpu Wicipedia drwy ychwanegu ato.