Pixie Lott

Pixie Lott
Pixie Lott
Ffugenw	Pixie Lott
Ganwyd	Victoria Louise Lott ; 12 Ionawr 1991 ; Llundain
Label recordio	Mercury Records
Dinasyddiaeth	y Deyrnas Unedig
Alma mater	Italia Conti Academy of Theatre Arts; Brentwood County High School ;
Galwedigaeth	actor, cerddor, canwr-gyfansoddwr, canwr, actor llwyfan, actor ffilm, artist recordio
Arddull	cerddoriaeth boblogaidd
Math o lais	mezzo-soprano
Gwefan	http://www.pixielott.com, http://pixielott.com/

Cantores ac actores Seisnig ydy Pixie Lott (ganed 12 Ionawr 1991). Arwyddodd gytundeb gyda Mercury Records yn y Deyrnas Unedig a label Interscope yn America.

Cafodd ei chân gyntaf ei rhyddhau i'w lawrlwytho ar 6 Mehefin 2009 ac ar ffurf sengl ar 8 Mehefin. Aeth y gân i rif un y siartiau ar 14 Mehefin 2009.

Bywyd Cynnar

Ganwyd Lott yn Bromley, yn ne-ddwyrain Llundain. Mae'n byw yn Essex gyda'i thad, sy'n werthwr cyfranddaliadau, a'i mam sy'n wraig tŷ; mae ganddi frawd a chwaer hŷn. Rhoddwyd y ffugenw "Pixie" iddi am ei bod yn "faban bychan, ciwt" a edrychai fel tylwyth teg..^[1]

Wedi iddi ddechrau canu yn ei hysgol eglwysig, mynychodd Lott ysgol Sadwrn "Italia Conti Associates" yn Chislehurst pan oedd yn bum mlwydd oed. Pan symudodd ei theulu i Essex parhaodd trwy fynd i brif ysgol "Italia Conti Academy of Theatre Arts", lle derbyniodd ysgoloriaeth. Tra'n fyfyriwr yno, ymddangosodd yng nghynhyrchiad y West End o Chitty Chitty Bang Bang ym Mhaladiwm Llundain, ac yn rhaglen BBC One "Celebrate the Sound of Music" lle chwaraeodd rhan Louisa von Trapp. Pan oedd yn 14 oed, roedd yn rhan o'r llinell gorws, gan recordio'r elfen leisiol yn opera Roger Waters Ça Ira.