Plas Menai
Canolfan Chwaraeon Dŵr Genedlaethol Cymru yw Plas Menai. Mae wedi'i lleoli ar lan ddeheuol Afon Menai, tua dwy filltir i'r dwyrain o Gaernarfon i gyfeiriad Bangor, Gwynedd. Mae'r ganolfan yn cynnig llawer o gyrsiau technegol ac addysgu hyfforddwyr mewn hwylio dingi, gwyntsyrffio, gyrru cychod pŵer, morio a chaiacio. Mae hefyd yn cynnal rhaglen o weithgareddau awyr agored i ysgolion, grwpiau, oedolion, plant a’r gymuned leol. Perchennog y ganolfan ydy Chwaraeon Cymru.
 | |
| Math | lleoliad chwaraeon, adeiladwaith pensaernïol  |
|---|---|
| Daearyddiaeth | |
| Sir | Gwynedd |
| Gwlad |  Cymru |
| Cyfesurynnau | 53.170645°N 4.241208°W |
 | |
| Perchnogaeth | Chwaraeon Cymru |
| Statws treftadaeth | adeilad rhestredig Gradd II* |
| Manylion | |
Hanes
golygu"Plas y Deri" oedd enw'r ganolfan yn gyntaf, pan agorodd ei drysau yn 1978 ond newidiwyd yr enw yn 1980 i enw mwy morwrol. Mae hi'n efaill i Blas y Brenin ger Capel Curig, er fod gan y ddwy ganolfan berchnogion gwahanol. Cyfarwyddwr cyntaf Plas Menai oedd John A Jackson.
Fel Plas y Brenin, yn wreiddiol, cynlluniwyd llethr sgio ar gyfer y ganolfan, ond aeth pethau'n ffliwt pan roddwyd pwysau arnynt i beidio a mynd ymlaen gyda'r cynlluniau - gan bobl o Landudno, oedd newydd agor llethr sgio eu hunain. Roedd y gwaith o adeiladu'r llethr wedi cychwyn a chodwyd bryncyn 80 troedfedd o uchder cyn rhoi'r ffidil yn y to. Yn 2006 trowyd y bryncyn yn fan hyfforddi beicio antur a gelwir y trac yn "Trac Jackson", i gofio'r Cyfarwyddwr cyntaf.
Math o gyrsiau a gynigir
golygu- Taith Caiacio Môr Connemara
- Hyfforddwyr Lefel 1 y BCU
- Penwythnos Morio ar arfordir Cymru
Sgiliau
golygu- Hwylio
- Dingi
- Gwyntsyrffio
- Gyrru cychod pŵer
- Morwraeth a theori
- Caiacio