Quintus Petillius Cerialis

Cadfridog Rhufeinig oedd Quintus Petilius Cerialis Caesius Rufus (ganed tua 30 O.C.).

Quintus Petillius Cerialis
De vredesonderhandelingen tussen Claudius Civilis en Quintus Petillius Cerealis op de afgebroken brug Rijksmuseum SK-A-4853.jpeg
Ganwyd c. 0030 Edit this on Wikidata
Bu farw c. 0083 Edit this on Wikidata (53 oed)
Dinasyddiaeth Rhufain hynafol Edit this on Wikidata
Galwedigaeth gwleidydd, person milwrol Edit this on Wikidata
Swydd seneddwr Rhufeinig, conswl yr Ymerodraeth Rufeinig, llywodraethwr Rhufeinig, conswl yr Ymerodraeth Rufeinig Edit this on Wikidata
Priod Domitilla the Younger Edit this on Wikidata

Penodwyd ef yn legad y lleng Legio IX Hispana ym Mhrydain pan oedd Gaius Suetonius Paulinus yn llywodraethwr. Cymerodd ran yn yr ymladd yn erbyn gwrthryfel Buddug a'r Iceni yn 60 - 61, er iddo gael ei orchfygu wrth iddo geisio achub dinas Camulodunum (Colchester heddiw),

Yn ystod Blwyddyn y Pedwar Ymerawdwr (69), cefnogodd ei dad-yng-nghyfraith Vespasian; roedd Cerialis yn briod a merch Vespasian, Flavia Domitilla. Cymerwyd ef yn garcharor gan Vitellius am gyfnod, ond llwyddodd i ddianc, a chymerodd ran yn yr ymosodiad a gipiodd ddinas Rhufain i Vespasian. Wedi i Vespasian ddod yn ymerawdwr, penodwyd ef yn legad Legio XIV Gemina yn Germania Inferior, lle bu'n ymladd yn erbyn Gwrthryfel y Batafiad dan Julius Civilis. Llwyddodd Cerialis i orchfygu Civilis.

Yn 71, penodwyd ef yn llywodraethwr Prydain, a daeth a Legio II Adiutrix gydag ef i'r dalaith. Yn ystod ei gyfnod fel llywodraethwr, ymladdodd yn erbyn y Brigantes yng ngogledd Lloegr. Dychwelodd i Rufain yn 74, a daliodd swydd conswl ddwywaith, yn 74 ac 83.