Rhyddid y Nofel

Casgliad o erthyglau am y nofel Gymraeg yw Rhyddid y Nofel a olygwyd gan gan Gerwyn Williams.

Rhyddid y Nofel

Enghraifft o'r canlynol	gwaith llenyddol
Golygydd	Gerwyn Williams
Cyhoeddwr	Gwasg Prifysgol Cymru
Gwlad	Cymru
Iaith	Cymraeg
Dyddiad cyhoeddi	1999
Pwnc	Astudiaethau Llenyddol
Argaeledd	mewn print
ISBN	9780708315385
Genre	Llenyddiaeth Gymraeg

Gwasg Prifysgol Cymru a gyhoeddodd y gyfrol a hynny yn 1999. Yn 2013 roedd y gyfrol mewn print.

Disgrifiad byr

Cyfeirlyfr ar bwnc y nofel Gymraeg, sef casgliad o 7 erthygl gynhwysfawr ar y genre, adolygiadau byrion o 15 testun yn rhychwantu'r 20g a 4 cyfweliad ag awduron cyfoes, gan 15 o gyfranwyr, yn ogystal â rhagymadrodd gan y golygydd.

Rhan o adolygiad ar Gwales

gan Owen Thomas
Mae Rhyddid y Nofel yn ymrannu’n ddwy adran: y naill yn trafod cefndir y nofel Gymraeg gynnar, datblygiad y nofel ar ôl Daniel Owen, y nofel hanes Gymraeg, pennod gan Islwyn Ffowc Elis ar themâu’r nofel Gymraeg (sy’n ymdriniaeth anghydnaws â phenodau eraill yr adran hon), perthynas yr Eisteddfod â’r nofel, y nofel rhwng 1975 a 1982 ac, yn olaf, y nofel ôl-fodern. Mae’r ail adran yn trafod nofelau unigol, o Gŵr Pen y Bryn i Dirgel Ddyn. Ni cheir yr un bennod newydd gan yr amrywiol gyfranwyr ac, o’r herwydd, y mae’n gyfrol sydd yn debycach i ddogfen hanesyddol nag i gyflwyniad cyfoes i’r maes bywiog hwn.

At ei gilydd, mae’r golygydd wedi dewis croesdoriad eang o gyfranwyr, ond collwyd cyfle i adargraffu’r adolygiadau chwyrn ac anffafriol o Monica, Saunders Lewis ac Un Nos Ola Leuad, Caradog Prichard pan y’u cyhoeddwyd gyntaf. Byddai’r rheiny wedi rhoi rhyw syniad i ddarllenydd dechrau’r unfed ganrif ar hugain o’r rhagfarn a’r rhagdyb yr oedd y nofelau arloesol hyn yn adweithio yn eu herbyn.

Gweler hefyd

• Rhestr llyfrau Cymraeg
• Wicipedia:Wicibrosiect Llyfrau Gwales