Sefydliad Bevan

Melin drafod Gymreig

Mae'r Sefydliad Bevan, (Saesneg: Bevan Foundation), yn felin drafod Gymreig a sefydwyd yn 2001. Ei bwriad yw cryfhau polisi cyhoeddus ar ôl datganoli. Mabwysiadwyr yr enw fel gwrogaeth i Aneurin Bevan, sylfaenydd y GIG, oherwydd ymrwymiad a rennir i gyfiawnder cymdeithasol, er bod y Sefydliad yn gwbl amhleidiol.[1]

Sefydliad Bevan
Enghraifft o'r canlynolmelin drafod Edit this on Wikidata
Dechrau/Sefydlu2001 Edit this on Wikidata
RhanbarthMerthyr Tudful Edit this on Wikidata
Portread o'r gwleidydd Aneurin Bevan a roddodd ei enw i Sefydliad Bevan

Sefydlwyd y corff gan y gwleidydd Llafur, Dr Hywel Francis oedd yn Aelod Seneddol dros Aberafan rhwng 2001 a 2015.[2] Cyfarwyddwr gyntaf y Sefydliad oedd Victoria Winckler a benodwyd yn 2002. Mae hi hefyd yn gynghorydd ar Gymru i Ymddiriedolaeth Elusennol Joseph Rowntree. Mae'n cynhyrchu adroddiadau ac ymatebion i ymgynghoriadau. Cynhyrchir papurau briffio Exchange, cylchgrawn polisi a gwleidyddiaeth sy'n ymwneud â Chymru, ffeithluniau a fideos o’n prosiectau a gweminarau. Lleolir y Sefydliad ym Merthyr Tudful.

Gwaith golygu

Mae gwaith ymchwil y Sefydliad yn cwympo o dan 5 prif thema: Democratiaeth, Economi, Amgylchedd, Tlodi, Pobl. Yn 2020-21 bu iddynt gyhoedd 30 adroddiad, mwy na 100 o erthyglau ar-lein.

Ymysg llwyddiannau a nodir gan y Sefydliad mae bod yn:

allweddol wrth lunio ‘rhaglen flaengar’ Llywodraeth Cynulliad Cymru 2007-11 ac wrth wneud tlodi yn flaenoriaeth i weinyddiaeth 2011-6.
rhoi cwestiwn trethi newydd, datganoledig i’r arena gyhoeddus a llywio cynigion Llywodraeth Cymru i ddefnyddio ei phwerau trethiant newydd yn llywodraeth 2016-21.

Gwaith Ymchwol ar Dai Rhent golygu

Ymysg un o'r gwaith ymchwil gan y Sefydliad a ddenodd sylw ar lawr gwlad oedd y gwaith ar sefyllfa tenantiaid a thaai rhent yng Nghymru. Bu'r adroddiad yn yn 2022 yn tynnu sylw at nifer uchel o dai sy'n cael eu gwerthu at ddefnydd Airbnb gan brisio prynwyr lleol tlotach allan o'r farchnad dai.[3] Bu i llefarydd ar yr adroddiad, Steffan Evans, ymddangos mewn sawl sgwrs a chyfweliad cyhoeddus ar y pwnc o brisiau tai a rhai ar rhent.[4]

Ariannu golygu

Ariennir y Sefydliad drwy danysgrifiadau a rhoddion. Gwneir hyn gyda chefnogaeth dros 100 o sefydliadau, unigolion yn cefnogi gyda chyfraniadau untro neu reolaidd. Ceir hefyd incwm drwy Ymddiriedolaethau a Sefydliadau allanol megis y Ymddiriedolaeth Joseph Rowntree, Sefydliad Banc Lloyds ac eraill. Cynhyrchir incwm arall drwy ddarparu hyfforddiant a threfnu digwyddiadau, ac ymchwil ar raddfa fach a gomisiynwyd.[1]

Gweler hefyd golygu

Cyfeiriadau golygu

  1. 1.0 1.1 "About". Gwefan y Bevan Foundation. Cyrchwyd 16 Mai 2023.
  2. https://www.bbc.co.uk/cymrufyw/56061255 , BBC Cymru Fyw, 14 Chwefror 2021.
  3. "Ymchwil newydd yn dangos effaith dramatig ar cartrefi i'w rhenti". Gwefan Sefydliad Bevan. 29 Medi 2022.
  4. "Cnoi Cil am yr argyfwng tai". Gwefan Sefydliad Bevan. 9 Awst 2021.

Dolenni allanol golygu

  Eginyn erthygl sydd uchod am wleidyddiaeth Cymru. Gallwch helpu Wicipedia drwy ychwanegu ato.