Seren Gomer
Mae Seren Gomer yn gylchlythyr misol sy'n cael ei gyhoeddi gan Gapel Gomer, Abertawe.
 | |
| Enghraifft o'r canlynol | papur wythnosol, cyhoeddwr, gwasg  |
|---|---|
| Golygydd | Samuel Evans, Joseph Harris, David Davies Evans |
| Cyhoeddwr | David Jenkin |
| Rhan o | Papurau Newydd Cymreig Ar-lein |
| Dyddiad cyhoeddi | 1 Ionawr 1814 |
| Lleoliad cyhoeddi | Abertawe |
| Statws hawlfraint | parth cyhoeddus, parth cyhoeddus |
| Sylfaenydd | Joseph Harris |
Seren Gomer oedd y papur newydd wythnosol cyntaf i'w gyhoeddi yn yr iaith Gymraeg. Cyhoeddwyd y rhifyn cyntaf ar 1 Ionawr 1814 yn Abertawe[1].
Cyhoeddwr Seren Gomer oedd Joseph Harris (Gomer), oedd yn weinidog gyda'r Bedyddwyr yn Abertawe. Roedd yn cynnwys newyddion o Gymru a thramor, ac eitemau llenyddol. Daeth y rhediad gyntaf i ben ar ôl 85 rhifyn, yn rhannol oherwydd y dreth uchel ar newyddiaduron a diffyg incwm o hysbysebion.
Pan bu farw Joseph Harris yn 52 oed ym 1825, gwerthwyd y papur i gyhoeddwr yng Nghaerfyrddin a daeth yn gylchgrawn chwarterol i'r Bedyddwyr. Parhaodd y cylchgrawn ar y ffurf hwn tan 1983.
Ail-gychwynwyd cyhoeddi Seren Gomer ar ffurf cylchlythyr digidol misol gan Gapel Gomer ar 12 Chwefror 2018.
Darllen ar-lein
golyguMae'r cylchgrawn wedi ei ddigido ac ar wefan Papurau Newydd Cymru Ar-lein y Llyfrgell Genedlaethol Cymru.[2]
Cyfeiriadau
golygu- ↑ Blitz destroyed chapel Gwefan Thisissouthwales.co.uk 24-06-2011
- ↑ "Seren Gomer". Papurau Newydd Cymru Ar-lein. Cyrchwyd 31 Hydref 2023.