Siôn Aled

Bardd ydy Siôn Aled (enw llawn: Siôn Aled Owen).

Siôn Aled
Y Prifardd Sion Aled
Ganwyd	27 Ionawr 1957  Cymru
Dinasyddiaeth	Cymru
Alma mater	Prifysgol Birmingham Prifysgol Aberystwyth
Galwedigaeth	bardd

Bywyd cynnar ac addysg

Cafodd ei eni ym Mangor a chafodd ei fagu ym Mhorthaethwy. Aeth i Brifysgol Aberystwyth. Astudiodd wedyn yng Ngholeg y Drindod, Bryste a chafodd Ph.D. mewn diwinyddiaeth ym Mhrifysgol Birmingham.

Barddoniaeth

Enillodd Goron Eisteddfod Genedlaethol Cymru Maldwyn a'i chyffiniau 1981 am bryddest ar y teitl Wynebau.

Ef oedd enillydd cyfres Mastermind Cymru ar S4C yn 2007 gan ddewis 'Bywyd a barddoniaeth Goronwy Owen' fel un o'i bynciau.

Gwleidyddiaeth

Bu'n ymgeisydd Plaid Cymru yn etholaeth Wrecsam yn Etholiad Cynulliad Cenedlaethol Cymru, 2007.

Bywyd personol

Mae'n byw yn Wrecsam gyda'i wraig a'i fab.