Slow Food

Sefydliad nid-er-elw rhyngwladol sy'n hyrwyddo bwyd lleol a choginio traddodiadol yw Slow Food. Dechreuwyd y cysyniad yn yr Eidal gan Carlo Petrini yn 1986 ac ers hynny mae wedi lledaenu ledled y byd.

Slow Food

Enghraifft o'r canlynol	sefydliad, catchphrase, mudiad cymdeithasol
Y gwrthwyneb	bwyd cyflym
Dechrau/Sefydlu	1986
Ffurf gyfreithiol	sefydliad di-elw
Pencadlys	Bra
Gwladwriaeth	yr Eidal
Gwefan	https://www.slowfood.com/
Ffeiliau perthnasol ar Gomin Wicimedia

Mae'r sefydliad yn hyrwyddo dewisiadau amgen yn lle bwyd cyflym (fast food) yn y byd cyfoes drwy gadw traddodiadau bwyd leol. Mae'n annog defnyddio planhigion, hadau a da byw sy'n nodweddiadol o'r ecosystem leol. Mae'n cefnogi busnesau bach lleol a bwydydd cynaliadwy. Mae'n canolbwyntio ar ansawdd bwyd, yn hytrach na'i faint. Mae'n gwrthwynebu gorgynhyrchu a gwastraff bwyd. Mae'n gweld globaleiddio fel proses lle dylai ffermwyr a chynhyrchwyr bwyd bach gael eu hamddiffyn rhag system bwyd fyd-eang ac yn dal i gael eu cynnwys yn y system honno.

Dechreuodd y mudiad yn yr Eidal yn 1986 pan sefydlwyd ei rhagflaenydd, Arcigola, i wrthsefyll agor cangen o McDonald's yn Rhufain gerllaw Scalinata di Trinità dei Monti (Saesneg: Spanish Steps), sy'n heneb odidog a diwylliannol bwysig yn y ddinas. Ym 1989 llofnodwyd maniffesto sefydlu'r mudiad Slow Food rhyngwladol ym Mharis gan gynrychiolwyr o 15 gwlad. Erbyn 2023 roedd gan y mudiad dros 100,000 o aelodau yn 160 gwlad.

Arwydd y tu allan i fwyty yn Santorini, Gwlad Groeg. Defnyddir y falwen gan y mudiad fel logo.

Dolenni allanol

• Gwefan swyddogol
• "Slow Food Wales Cymru" Archifwyd 2023-08-15 yn y Peiriant Wayback, Gwybodaeth am Slow Food Cymru ar wefan "Slow Food in the UK"