Agor y brif ddewislen

Brenin Denmarc, Lloegr a rhannau o Norwy oedd Sweyn I (tua 960 - 3 Chwefror 1014). Cyfeirir ato wrth sawl enw, yn cynnwys Sweyn Farf Fforchog (Sweyn Forkbeard), Sweyn Ddaniad (ffynonellau Saesneg), hefyd Svein, Svend, Swegen a Tuck (Hen Norseg: Sveinn Tjúguskegg, Norwyeg: Svein Tjugeskjegg, Swedeg: Sven Tveskägg; Daneg: Svend Tveskæg, o Tjugeskæg neu Tyvskæg). Roedd yn arweinydd Viking Llychlynaidd ac yn dad i'r brenin Canute. Pan fu farw ei dad Harald Lasdant ar ddiwedd 986 neu ddechrau 987, daeth yn frenin Denmarc; yn 1000, mewn cynghrair â'r Trondejarl, Eric o Lade, daeth yn rheolwr ar y rhan fwyaf o Norwy hefyd. Ar ôl cyfnod hir o ymgyrchu yn erbyn y Saeson am feddiant o'r wlad, ac yn fuan cyn ei farwolaeth, yn 1013 goresgynodd deyrnas Lloegr. Ym mlynyddoedd olaf ei oes, ef oedd teyrn Danaidd ymerodraeth a ymestynnai dros Fôr y Gogledd, ac a etifeddywd gan ei fab Canute a'i ehangodd i fod yn un o ymerodraethau mwyaf gogledd Ewrop.

Sweyn I, brenin Denmarc
Swen Widlobrody ubt.jpeg
Ganwyd 0960 Edit this on Wikidata
Denmarc Edit this on Wikidata
Bu farw 3 Chwefror 1014 Edit this on Wikidata
Gainsborough Edit this on Wikidata
Galwedigaeth llywodraethwr Edit this on Wikidata
Swydd teyrn Denmarc, brenin Lloegr, teyrn Norwy, teyrn Norwy Edit this on Wikidata
Tad Harald Bluetooth Edit this on Wikidata
Mam Gunhild Edit this on Wikidata
Priod Gunhilda, Sigrid Drahaus Edit this on Wikidata
Plant Harald II of Denmark, Cnut Fawr, Estrid Svendsdatter, Gyda Svendsdatter, Świętosława Edit this on Wikidata
Llinach House of Knýtlinga Edit this on Wikidata

Ymosododd Sweyn ar Loegr sawl gwaith yn y 1000au cyn llwyddo i oresgyn y deyrnas honno. Un o'i resymau dros hynny oedd dial llofruddiaeth ei chwaer Gunhilde a nifer o Ddaniaid eraill gan dorf yn Rhydychen yn y flwyddyn 1002, fel rhan o ymgyrch glanhau ethnig a elwir yn Gyflafan Gŵyl Sant Bricius.

WikiHistory.svg Eginyn erthygl sydd uchod am hanes. Gallwch helpu Wicipedia drwy ychwanegu ato.