The Mystery of the Disappearing Cat

nofel i blant gan Enid Blyton

The Mystery of the Disappearing Cat (1944) yw'r ail lyfr yng nghyfres nofelau dirgelwch i blant gan Enid Blyton y Five Find-Outers. Fe’i cyhoeddwyd gan Methuen and Co Ltd ac mae’n dilyn y llyfr cyntaf yn y gyfres, The Mystery of the Burnt Cottage. Mae'n stori’n ymwneud a chath sydd wedi'i dwyn a'r grŵp o blant sy'n ceisio gweithio allan sut cyflawnwyd y drosedd a phwy oedd y troseddwr.[1]

The Mystery of the Disappearing Cat
Clawr yr argraffiad 1af
Enghraifft o'r canlynolgwaith llenyddol Edit this on Wikidata
AwdurEnid Blyton
CyhoeddwrMethune
GwladDeyrnas Unedig
IaithSaesneg
Dyddiad cyhoeddi1944 Edit this on Wikidata
ISBN9781405203944
DarlunyddJoseph Abbey
GenreLlyfrau plant, Nofel
CyfresFive Find-outers
Rhagflaenwyd ganThe Mystery of the Burnt Cottage Edit this on Wikidata
Olynwyd ganThe Mystery of the Secret Room Edit this on Wikidata

Plot golygu

Mae Luke, ffrind i'r darganfyddwyr, yn gweithio yng ngardd yr Arglwyddes Candling pan fydd ei chath Siam werthfawr yn cael ei dwyn. Mae'r Pum Darganfyddwr a'u Ci yn gweithio i ddatrys yr achos.[2]

Cymeriadau golygu

  • Elizabeth (Bets) - Yr ieuengaf o'r Pum Darganfyddwr
  • Philip (Pip) - Aelod o'r Pum Darganfyddwr a brawd Bets
  • Lawrence (Larry) - Pennaeth y Pum Darganfyddwr
  • Margaret - Aelod o'r Pum Darganfyddwr a chwaer Larry. Hi hefyd yw sylfaenydd y grŵp o ddarganfyddwyr.
  • Frederick (Fatty) - Y craffaf o'r Pum Darganfyddwr
  • Buster - Daeargi Albanaidd sy'n eiddo i Frederick
  • Luke - Garddwr cynorthwyol 15 mlwydd oed. Ffrind y Pum Darganfyddwr. Y sawl sydd dan amheuaeth bennaf o ddwyn Dark Queen cath Siam gwerthfawr Yr Arglwyddes Candling,.
  • Yr Arglwyddes Candling - Perchennog y gath werthfawr sydd wedi'i dwyn
  • Miss Harmer - Y person sy'n gofalu am gathod Yr Arglwyddes Candling
  • Miss Trimble - Cydymaith Yr Arglwyddes Candling.
  • Mr Tupping - Garddwr Yr Arglwyddes Candling. Amrwd, drwg tymherus, ffyrnig a chreulon i Luke, ei gynorthwyydd. Mae'n meddwl ei fod yn berchen ar yr ardd.
  • Mr Goon - Plismon byrlymus y pentref, sydd eto'n methu â datrys yr achos. Ffrind i Mr Tupping.

Crynodeb golygu

Mae'r cyfan yn digwydd y tŷ drws nesaf i le mae Pip a Bets Hilton yn byw. Mae cath Yr Arglwyddes Candling, sydd wedi ennill gwobrau mewn sioeau, o'r enw Dark Queen (cath Siam gwerthfawr), yn diflannu reit o dan drwyn Luke, cynorthwyydd y garddwr. Mae Mr Tupping, y garddwr, yn ddyn cas ac mae'r plant yn penderfynu ar unwaith y byddai'n wych os mae ef oedd y lleidr! Ond sut y gallai fod, gan nad oedd ar gyfyl y lle pan gafodd Dark Queen ei dwyn? Mae'r holl dystiolaeth yn pwyntio tuag at Luke ifanc druan, cynorthwyydd Mr Tupping. Ond mae'r darganfyddwyr yn cael hi'n anodd credu y byddai ef yn gwneud rhywbeth mor ysgeler.

Mae yna gwpl o bobl eraill a ddrwgdybir yn staff Yr Arglwyddes Candling, fel Miss Harmer y triniwr cathod, a Miss Trimble, sy'n gofalu am y rhosod. Maen nhw i gyd yn eithaf sicr mai Mr Tupping oedd yn gyfrifol. Ond sut ar y ddaear llwyddodd? Mae'r ateb i'r dirgelwch yn syml iawn ac yn eithaf clyfar. Fe wnaeth Mr Tupping ddwyn Dark Queen yn y bore, yna paentio darn bach o baent liw hufen ar gynffon cath arall i wneud iddo edrych fel Dark Queen. Cafodd cynffon Dark Queen ei brathu gan gath arall, gan achosi i ddarn hufennog ymddangos ar ei chynffon. Yna gwnaeth i Luke weithio wrth ochr y cawell trwy'r dydd, er mwyn iddo fo ddod dan amheuaeth o ganfod bod y drosedd wedi digwydd. Yn y prynhawn, herciodd Mr Tupping i mewn i'r cawell, rhwbiodd y paent oddi ar gynffon y gath arall gyda chadach wedi'i socian mewn tyrpant, ac yna cyhoeddodd fod Dark Queen wedi diflannu! Yn y pen draw mae'r darganfyddwyr yn canfod sut fu i Mr Tupping, cyflawni ei dric dan din. Mae'n cael ei ddal ac mae'n cael ei ddarganfod ei fod wedi bod yn gyfrifol am ddwyn anifeiliaid anwes yn y gorffennol.

Cyfeiriadau golygu

  1. Blyton, Enid. (2003). The mystery of the disappearing cat. London: Egmont. ISBN 1-4052-0394-3. OCLC 59470798.
  2. "The Mystery of the Disappearing Cat". Children's Books. Cyrchwyd 2020-01-08.

Dolenni allanol golygu

Tudalen Cymdeithas Enid Blyton am y llyfr

Gweler hefyd golygu

Llyfryddiaeth Enid Blyton