T. Glynne Davies
Bardd, llenor a darlledwr radio a theledu o Gymru oedd Thomas Glynne Davies (12 Ionawr 1926 – 10 Ebrill 1988), a adnabyddir fel arfer fel T. Glynne Davies,
| T. Glynne Davies | |
|---|---|
| Ganwyd | Thomas Glynne Davies  12 Ionawr 1926 Llanrwst |
| Bu farw | 10 Ebrill 1988 Caerdydd |
| Dinasyddiaeth |  Cymru |
| Galwedigaeth | bardd, darlledwr |
| Cyflogwr | |
| Plant | Gareth Glyn, Geraint Glynne Davies, Aled Glynne |
Bywyd cynnar
golyguGanwyd yn 64 Stryd Dinbych, Llanrwst, Sir Ddinbych.
Yn ystod yr Ail Ryfel Byd gweithiodd ym mhwll glo Oakdale, Caerffili fel 'Bevin Boy'.
Gyrfa
golyguGweithiodd fel gohebydd newyddion ar gyfer BBC Radio o 1957 a cyflwynodd y rhaglen radio poblogaidd radio programme Bore Da rhwng 1970 a 1976.
Enillodd y goron yn Eisteddfod Genedlaethol Cymru Llanrwst 1951 gyda'r gerdd 'Adfeilion' a chyhoeddodd ddwy gyfrol o gerddi, sef Llwybrau Pridd a Hedydd yn yr Haul. Ysgrifennodd y nofel hirfaith Marged, sy'n portreadu bywyd yn Llanrwst dros sawl cenhedlaeth, nofel arall sef Haf Creulon a chyfrol o straeon byrion Cân Serch.
Bob blwyddyn mae S4C yn cynnig Ysgoloriaeth Newyddiaduraeth T.Glynne Davies, sydd werth £6,500, i gynorthwyo ysgolheigion i ddilyn cwrs ôl-raddedig yn Ysgol Newyddiaduraeth, Cyfryngau ac Astudiaethau Diwylliannol ym Mhrifysgol Caerdydd.[1]
Bywyd personol
golyguRoedd T Glynne Davies yn briod â Mair (1932-2016), ac roedd ganddynt bedwar mab:
- Gareth Glyn
- Geraint Glynne Davies
- Aled Glynne
- Owen Glynne Davies, pypedwr blaenllaw gyda Chwmni Cortyn
Bu farw T Glynne yng Nghaerdydd yn 1988.
Llyfryddiaeth
golygu- Haf Creulon (nofel), 1960
- Llwybrau Pridd (cerddi cyntaf), 1961
- Hedydd yn yr Haul, 1969
- Cân Serch a storiau eraill, 1954
- Yr ysgub olaf, 1971
- Marged, Gwasg Gomer, 1974
- Gwilym Cowlyd, 1828-1904, 1976
- "Cerddi", 1987[2]