Twnnel rheilffordd o dan y Môr Udd yn Nghulfor Dover yw Twnnel y Sianel. Mae'n cysylltu Ardal Folkestone a Hythe yng Ngaint, De-ddwyrain Lloegr, â Pas-de-Calais, Ffrainc. Dyma'r unig gyswllt sefydlog rhwng ynys Prydain Fawr a thir mawr Ewrop. Mae'n 50.45 km (31.35 mi) o hyd. Y darn tanddwr yw 37.9 km (23.5 mi) – y darn tanddwr hiraf o unrhyw dwnnel yn y byd. Ar ei bwynt isaf, mae'r twnnel 75 m (250 tr) o dan waelod y môr a 115 m (380 tr) yn is nag arwyneb y môr. Mae'r twnnel yn cludo trenau cyflym Eurostar ar gyfer teithwyr ar droed, trenau gwennol Eurotunnel Le Shuttle ar gyfer cerbydau ffordd, yn ogystal â threnau nwyddau rhyngwladol.

Twnnel y Sianel
TGV TMST 3011-2 - Sortie Tunnel sous la Manche à Coquelles.jpg
Math twnnel rhyngwladol, twnnel tanddwr, twnnel rheilffordd Edit this on Wikidata
Agoriad swyddogol 6 Mai 1994 Edit this on Wikidata
Sefydlwyd
  • 20 Mehefin 1993 Edit this on Wikidata
Daearyddiaeth
Rhan o'r canlynol Seven Wonders of the Modern World Edit this on Wikidata
Sir Caint, Pas-de-Calais Edit this on Wikidata
Gwlad Baner Lloegr Lloegr
Baner Ffrainc Ffrainc
Cyfesurynnau 51.0167°N 1.45°E Edit this on Wikidata
Hyd 50,450 metr Edit this on Wikidata
Rheilffordd
Rheolir gan Getlink Edit this on Wikidata
Perchnogaeth Getlink Edit this on Wikidata
Cost 15,000,000,000 Ewro Edit this on Wikidata

Mae'r cynlluniau i adeiladu twnnel o dan y Môr Udd yn dyddio'n ôl i 1802. Dros y blynyddoedd ni ddaeth amryw o brosiectau i ddim. Cytunodd llywodraethau’r Deyrnas Unedig a Ffrainc i adeiladu twnnel ym 1964, a dechreuodd y gwaith ym 1974, ond cafodd y prosiect ei ganslo ym 1975. Yn y diwedd trefnwyd y prosiect llwyddiannus gan Eurotunnel. Dechreuodd y gwaith ym 1988 ac agorwyd y twnnel ym 1994.