William Rees Morgan Davies

Roedd Syr William Rees Morgan Davies (11 Mai 186314 Ebrill 1939) William Rees-Davies yn gyfreithiwr Cymreig a fu'n gwasanaethu fel barnwr yng Ngwasanaeth Cyfreithiol yr Ymerodraeth Brydeinig bu hefyd yn gwasanaethu fel Aelod Seneddol Rhyddfrydol Sir Benfro rhwng 1892 a 1898[1]

William Rees Morgan Davies
Ganwyd11 Mai 1863 Edit this on Wikidata
Aberdaugleddau Edit this on Wikidata
Bu farw14 Ebrill 1939 Edit this on Wikidata
DinasyddiaethBaner Cymru Cymru
Alma mater
Galwedigaethbarnwr, bargyfreithiwr, gwleidydd Edit this on Wikidata
SwyddAelod o 26ain Senedd y Deyrnas Unedig, Aelod o 25ain Senedd y Deyrnas Unedig Edit this on Wikidata
Plaid WleidyddolPlaid Ryddfrydol Edit this on Wikidata

Bywyd Personol golygu

Ganwyd Rees-Davies yn Aberdaugleddau, yn fab i Syr William Davies, cyfreithiwr a Martha Rees Morgan ferch hynaf Thomas Morgan, Hwlffordd, ei wraig. Bu Syr William yn rhagflaenydd Rees-Davies fel AS Sir Benfro.

Cafodd ei addysgu yng Ngholeg Eton a Neuadd y Drindod, Caergrawnt, gan raddio'n BA ym 1885.

Priododd Florence Beatrice ym 1898, roedd hi yn ferch i John Birkett, o Rickmansworth, Swydd Hertford. Ni fu iddynt blant. Bu hi farw ym 1910 [2]. Ym 1913, priododd Hilda Kathleen, merch W. E. Blennerhasset Atthill o Faversham, Swydd Gaint. Bu iddynt un mab sef William Rupert Rees-Davies AS Ceidwadol etholaethau ardal Thanet Caint rhwng 1953 a 1983.

Gyrfa golygu

Wedi graddio aeth Rees-Davies i astudio yn y Deml Ganol, gan gael ei alw i'r Bar ym 1887. Bu'n gweithio fel bargyfreithiwr ar gylchdaith Deheudir Cymru gan wasanaethu fel erlynydd y goron, gan amlaf[3]. Bu'n gwasanaethu fel Ynad Heddwch ar fainc Sir Benfro, mainc Swydd Gaint a mainc Aberdaugleddau.[4]

Gyrfa Wleidyddol golygu

Ym 1891 cyhoeddodd Syr William Davies nad oedd am amddiffyn ei sedd yn yr etholiad nesaf. Dewiswyd ei fab yn olynydd iddo. Llwyddodd Rees-Davies i gadw'r sedd i'r Rhyddfrydwyr yn etholiad cyffredinol 1892 ac i'w amddiffyn yn etholiad cyffredinol 1895. Bu'n gwasanaethu fel Ysgrifennydd Seneddol Preifat i Ganghellor y Trysorlys, Syr William Harcourt, rhwng 1893 ac 1895.

Ym 1898 cafodd swydd gyflogedig gan y goron, sef swydd Twrnai Cyffredinol y Bahamas a bu'n rhaid iddo ildio ei sedd seneddol.

Gwasanaeth ymerodrol golygu

Penodwyd Rees-Davies yn Dwrnai Cyffredinol y Bahamas ym 1898. Ym 1902 fe'i penodwyd yn Adfocad y Brenin ar Ynys Cyprus.

Ym 1907, fe'i penodwyd yn Dwrnai Cyffredinol Hong Cong. Fel Twrnai Cyffredinol roedd hefyd yn aelod o Gyngor Gweithredol a Chyngor Deddfwriaethol y diriogaeth.

Fe'i penodwyd yn Gwnsler y Brenin ym 1908.

Ym 1912, fe'i penodwyd yn Brif Ustus Hong Cong gan ddal y swydd hyd iddo ymddeol ym 1924.

Marwolaeth golygu

Wedi ymddeol, symudodd i Folkestone, Caint. Lle fu farw yn 75 mlwydd oed.

Cyfeiriadau golygu

  1. (2007-12-01). Davies, Sir William Rees-, (11 May 1863–14 April 1939), KC; JP Pembrokeshire and Kent; JP Haverfordwest yn WHO'S WHO & WHO WAS WHO Adalwyd 27 Rhagfyr 2017
  2. "FamilyNotices - The Pembroke County Guardian and Cardigan Reporter". Henry Whiteside Williams. 1910-07-01. Cyrchwyd 2017-12-28.
  3. Alumni Cantabrigienses: A Biographical List of All Known Students, Graduates and Holders of Office at the University of Cambridge, from the Earliest Times to 1900
  4. "THE PROPOSED CANDIDATE - South Wales Daily News". David Duncan and Sons. 1891-03-14. Cyrchwyd 2017-12-28.
Senedd y Deyrnas Unedig
Rhagflaenydd:
Syr William Davies
Aelod Seneddol Sir Benfro
18921898
Olynydd:
John Philipps