Ysgol Gynradd Gymraeg Awel Taf

Mae Ysgol Gynradd Gymraeg Awel Taf yn ysgol gynradd cyfrwng Cymraeg yn Rhydfelin sydd i'r de o dref Pontypridd ym Mwrdeistref Sirol Rhondda Cynon Taf.

Ysgol Gynradd Gymraeg Awel Taf

Enghraifft o'r canlynol	ysgol gynradd, ysgol Gymraeg
Dechrau/Sefydlu	Medi 2024
Lleoliad	Rhydyfelin
Rhanbarth	Rhondda Cynon Taf

Ysgol Gynradd Gymraeg Awel Taf (Tachwedd 2024)

Fe'i hagorwyd ym mis Medi 2024 wedi penderfyniad dadleuon i gau Ysgol Gynradd Gymraeg Pont Siôn Norton oedd i'r gogledd ddwyrain o Bontypridd tuag at Cilfynydd. Cyfeiriad yr ysgol yw Holly Street, Rhydfelin, Pontypridd, Rhondda Cynon Taf CF37 5DB. Prifathrawes gynta'r ysgol yw Mrs C. Jones.

Hanes yr Ysgol

Hen ysgol gynradd Heol-y-Celyn yn 2007 a ddymchwelyd i adeiladu'r ysgol newydd, Awel Taf

Lleolir yr ysgol ar safle hen Ysgol Gynradd (Saesneg) Heol y Celyn. Roedd gwaith adeiladu'r ysgol newydd yn rhan o fuddsoddiad o £79.9 miliwn gan Gyngor Rhondda Cyngor Taf i adeiladu tair ysgol newydd; dwy cyfrwng Saesneg (Ysgol Ysgol Afon Wen, ac Ysgol Bro Taf) ac un cyfrwng Cymraeg (Ysgol Awel Taf). Mae disgyblion Ysgol Awel Taf yn dod o hen ffrwd Iaith Gymraeg ysgol Gynradd Heol y Celyn gynt (sydd wedi cau) a disgyblion Ysgol Gynradd Gymraeg Pont Siôn Norton (sydd hefyd wedi cau) a, dichon, byddant hefyd o ardaloedd Rhydfelen a Threfforest.

Yr adeilad

Mae lle yn yr ysgol ar gyfer 540 disgybl; 480 disgybl oedran statudol a 60 lle yn y dosbarth meithrin. Mae ynddo 18 ystafell ddosbarth, ystafelleodd aml-ddefnydd, ardaloedd i'w rhannu, ystafelloedd newid, neuadd, cegin ac ardaloedd ategol. Mae Ardal Gemau Aml-ddefnydd newydd wedi'i chreu a gwelliannau wedi'u gwneud i ardaloedd tu allan. Mae'r adeilad dau lawr wedi'i ddylunio i sicrhau Carbon Sero Net ar yr adegau pan fydd yn weithredol. Defnyddiwyd paneli solar a llenwadau arbennig yn y muriau i arbed gwres,

Dolenni allanol

• Gwefan dros dro Hen wefan Ysgol Pont Siôn Norton
• Tudalen yr ysgol ar wefan Estyn
• Ffrindiau Awel Taf Tudalen Facebook i gymuned yr ysgol (preifat)