Ail Ysgol Fienna
Grŵp o gyfansoddwyr yn Fienna, Awstria, ar ddechrau'r 20g oedd Ail Ysgol Fienna (Almaeneg: Zweite Wiener Schule, Neue Wiener Schule). Roedd y grŵp yn cynnwys Arnold Schoenberg (1874–1951) a’i ddisgyblion, yn enwedig Alban Berg (1885–1946) ac Anton Webern (1883–1945), yn ogystal â nifer o gymdeithion agos eraill.[1] Mae'r gair "ysgol" yma yn dynodi "grŵp o arlunwyr, &c., y mae eu gwaith yn rhannu rhai nodweddion".[2] Mae'r gair "Ail" yn cyfeirio at y ffaith bod aelodau'r grŵp hwn yn cael eu hystyried mewn ryw ystyr fel olynwyr i gyfansoddwyr Fiennaidd y cyfnod Clasurol, sef Joseph Haydn (1732–1809), Wolfgang Amadeus Mozart (1756–1791) a Ludwig van Beethoven (1770–1827).
 | |
| Enghraifft o'r canlynol | ysgol cyfansoddwyr, mudiad cerddorol  |
|---|---|
 Ffeiliau perthnasol ar Gomin Wicimedia | |
Mae Ail Ysgol Fienna yn gysylltiedig ag arddull a oedd yn eithafol yn ei ddefnydd o gromatyddiaeth, mor eithafol fel y daeth i gael ei labelu yn ddigywair; hynny yw, yn perthyn i ddim cywair adnabyddadwy. Mae'r grŵp hefyd yn adnabyddus am ddefnyddio'r dechneg deuddeg-nodyn a ddatblygwyd gan Schoenberg.
Cyfeiriadau
golygu- ↑ Oliver Neighbour, Paul Griffiths, George Perle, The Second Viennese School: Schoenberg, Webern, Berg (Llundain: Macmillan, 1983)
- ↑ 1 ysgol1. Geiriadur Prifysgol Cymru. Adalwyd ar 19 Medi 2022.
Llyfryddiaeth
golygu- René Leibowitz, Schoenberg et son école (Paris, 1947)