Ail frwydr Bedriacum

Ymladdwyd Ail frwydr Bedriacum ar 24 - 25 Hydref, 69, rhwng dwy fyddin Rufeinig, un yn cefnogi yr ymerawdwr Vitellius a'r llall yn cefnogi Vespasian, dan Antonius Primus. Roedd yn un o frwydrau olaf Blwyddyn y Pedwar Ymerawdwr.

Ail frwydr Bedriacum
Delwedd:Vespasian aureus Fortuna.png, Château de Versailles, salon de la paix, buste d'empereur romain (Vitellius) 01.jpg
Enghraifft o'r canlynolbrwydr Edit this on Wikidata
Rhan oBlwyddyn y Pedwar Ymerawdwr, Brwydr Bedriacum Edit this on Wikidata
Dechreuwyd25 Hydref 0069 Edit this on Wikidata
Daeth i ben26 Hydref 0069 Edit this on Wikidata
LleoliadCremona Edit this on Wikidata
Map
Gwladwriaethyr Eidal Edit this on Wikidata
Ail frwydr Bedriacum

Roedd Vespasian yn nhalaith Judea, wedi ei yrru yno gan yr ymerawdwr Nero i ddelio a gwrthryfel yr Iddewon. Yn dilyn hunanladdiad Nero yn 68, lladdwyd ei olynydd Galba yn 69 a chyhoeddwyd Otho yn ymerawdwr, cyn iddo yntau gael ei ddisodli gan Vitellius. Trafododd Vespasian y mater gyda rhaglaw Syria, Gaius Licinius Mucianus, a chyhoeddodd llengoedd Judea a Syria Vespasian fel ymerawdwr. Cefnogwyd Vespasian hefyd gan y llengoedd ar Afon Donaw dan Marcus Antonius Primus, a'r llengoedd hyn oedd y cyntaf i gyrraedd yr Eidal. Gyrroedd Vitellius fyddin i'w cyfarfod, a daeth y ddwy fyddin i wrthdrawiad ger Bedriacum a dinas Cremona yng ngogledd yr Eidal.

Diweddodd y frwydr mewn buddugoliaeth i gefnogwyr Vespasian. Aeth Primus ymlaen i feddiannu Rhufain, gan ladd Vitellius a gosod Vespasian ar yr orsedd fel ymerawdwr. Rhoddodd hyn ddiwedd ar y rhyfel cartref.