Bryniau Clwyd: Gwahaniaeth rhwng fersiynau

'''Bryniau Clwyd''' (neu '''Moelydd Clwyd'''; Saesneg: the ''Clwydian Range'') yw'r gadwyn o tua 21 o fryniau yng ngogledd-ddwyrain [[Cymru]] sy'n ymestyn o gyffiniau [[Llandegla-yn-Iâl]] a [[Nant y Garth]] yn y de i gyffiniau [[Prestatyn]] yn y gogledd, gyda [[Moel Famau]] (554 metr) yr uchaf ohonynt. Er nad ydynt yn arbennig o uchel, ceir golygfeydd braf o'u copaon hyd at fynyddoedd [[Eryri]] i'r gorllewin a thros [[Sir y Fflint]] i wastadeddau [[Swydd Gaer]] a chyffiniau [[Lerpwl]] i'r dwyrain. Gorwedd y rhan fwyaf o'r gadwyn yn [[Sir Ddinbych]] ond mae'r ffin â Sir y Fflint yn rhedeg ar hyd y copaon. I'r gorllewin i'r moelydd, ac yn gyfochrog iddynt gorwedd [[Dyffryn Clwyd]]. Mae'r rhan helaethaf wedi'i glustnodi'n Ardal o Harddwch Naturiol Eithriadol. Ceir yma dystiolaeth o wareiddiad bywiog a oedd yn ffynnu yn yr [[Oes Efydd]] ac yn [[Oes y Cerrig]], sydd yn ôl yr archeolegydd Ian Brown yn un o'r llefydd pwysicaf drwy orllewin Ewrop o dystiolaeth o fywyd dyn.<ref>''Discovering a Welsh Landscape'' gan Ian Brown; Cyhoeddwyd gan Windgather Press; 2004; ISBN 0-9545575-7-3; tudalen 5.</ref>

Fe'u gelwir yn Fryniau Clwyd am eu bod yn codi ar hyd ymyl ddwyreiniol [[Dyffryn Clwyd]]. Ar hyd yr oesoedd mae'r bryniau hyn wedi bod yn llinell amddiffyn naturiol i ogleddOgledd Cymru. Mae'r gadwyn yn cynnwys nifer o [[bryngaer|fryngaerau]] o [[Oes yr Haearn]], e.e. [[Foel Fenlli]], [[Penycloddiau]] a [[Moel Arthur]]. Ceir nifer o [[carnedd|garneddi]] [[cynhanes]]yddol ar y copaon hefyd. Mae [[Llwybr Clawdd Offa]] yn nadreddu o fryn i fryn.

Ceir nifer o [[bwlch|fylchau]] yn'n croesi Bryniau Clwyd, gan gynnwys bwlchAllt [[Rhuallt]] a groesir gan yr [[A55]], prif draffordd gogleddGogledd Cymru, a'r hen [[Ffordd Rufeinig Caer-Segontiwm|ffordd Rufeinig o Gaer i Segontiwm]] cyn hynny. Mae bylchau hanesyddol eraill yn cynnwys Bwlch Pen Barras, sy'n cael ei groesi gan yr hen ffordd fynydd rhwng [[Tafarn-y-Gelyn]] a [[Rhuthun]].

===Copaon (o'r gogledd i'r de)===