Gogledd Macedonia: Gwahaniaeth rhwng fersiynau

Gwlad yn ne-ddwyrain [[Ewrop]] ar Orynys y [[Balcanau]] yw '''Cyn-weriniaeth Iwgoslafaidd Macedonia''' (neu '''Gweriniaeth Macedonia'''). Mae'n llenwi tua 38% o diriogaeth rhanbarth hanesyddol [[Macedonia (rhanbarth)|Macedonia]]. Mae'n rhannu ffiniau â [[Serbia]] i'r gogledd, [[Bwlgaria]] i'r dwyrain, [[Gwlad Groeg]] i'r de ac [[Albania]] i'r gorllwein. Tan [[8 Medi]] [[1991]], roedd yn rhan o [[Iwgoslafia]]. Tynnodd allan o ffederasiwn Iwgoslafia yn ddiweddarach na [[Slofenia]] a [[Croatia|Chroatia]]. Ei phrifddinas yw [[Skopje]], dinas o tua 600,000 o drigolion. Prif ddinasoedd eraill y wlad yw [[Bitola]], [[Prilep]], [[Tetovo]], [[Kumanovo]], [[Ohrid]], [[Veles]], [[Štip]] a [[Strumica]]. Mae poblogaeth Macedonia yn gymysg iawn. Y grŵp mwyaf yw'r Macedoniaid (Slafonaidd) (1,300,000, tua 64% o'r boblogaeth), ond mae hefyd leiafrif sylweddol [[Albaniaid]] (500,000, tua 25% o'r boblogaeth) a lleiafrifoedd llai o Dwrciaid, Sipswn a Serbiaid. Mae'r berthynas rhwng y ddau grŵp mwyaf wedi bod yn anodd ond mae'n gwella ers 2001, pryd cytunodd llywodraeth Macedonia dderbyn llu cadw heddwch o'r [[Cenhedloedd Unedig]] ac i ddatganoli grym i'r lleiafrif Albaneg. Yr iaith swyddogol yw [[Macedoneg]].