Reginald James Blewitt
Roedd Reginald James Blewitt (26 Mai 1799 - 11 Medi 1878) yn feistr haearn, yn newyddiadurwr ac yn wleidydd Rhyddfrydol Cymreig a gwasanaethodd fel Aelod Seneddol Bwrdeistrefi Sir Fynwy o 1837 hyd 1852.
| Reginald James Blewitt | |
|---|---|
| Ganwyd | 26 Mai 1799  Marylebone |
| Bu farw | 11 Medi 1878 Roehampton |
| Man preswyl | Abaty Llantarnam |
| Dinasyddiaeth | Teyrnas Unedig Prydain Fawr ac Iwerddon, Teyrnas Prydain Fawr |
| Galwedigaeth | cyfreithiwr, perchennog papur newydd, gwleidydd |
| Swydd | Aelod o 15fed Senedd y Deyrnas Unedig, Aelod o 14eg Senedd y Deyrnas Unedig, Aelod o'r 13eg Senedd y Deyrnas Unedig |
Cefndir golygu
Ganwyd Blewitt yn Marylebone, Llundain yn fab i'r Uwch gapten Edward Blewitt a Amelia (née Durberley) ei wraig[1]. Roedd teulu ei dad yn disgyn oddi wrth deulu dylanwadol Morgan, Tŷ Tredegar, Casnewydd.
Cafodd ei addysgu yn Rugby.
Priododd Matilda Medex ym 1800.
Gyrfa golygu
Ym 1816 dechreuodd prentisiaeth i ddyfod yn gyfreithiwr yng nghwmni William Ford Stevenson, Llundain, bu hefyd am gyfnod yn astudio i fod yn fargyfreithiwr yn Lincoln's Inn ond ni chafodd ei alw i'r bar. Ymddeolodd o fyd y gyfraith ym 1827 [2] wedi ysgrifennu cerdd ddychanol am ymarferion llwgr y Llys Sianseri [3].
Ym 1829 sefydlodd papur newyddion The Monmouthshire Merlin, gan weithio fel ei olygydd am gyfnod o 3 mlynedd.
Bu'n is lywodraethwr a Rheolwr Gyfarwyddwr y Monmouthshire and Glamorganshire Banking Company ac yn berchennog gwaith haearn Cwmbrân
Gyrfa Wleidyddol golygu
Safodd Blewitt yn enw'r Blaid Ryddfrydol yn etholiad cyffredinol 1837 yn etholaeth Bwrdeistrefi Sir Fynwy gan lwyddo i gipio'r sedd oddi wrth y Blaid Geidwadol; daliodd ei afael ar y sedd hyd 1851 gan orfod ildio oherwydd trafferthion ariannol[4].
Marwolaeth golygu
Bu farw yn ysbyty meddwl The Priory, Llundain yn 79 mlwydd oed[5]
Cyfeiriadau golygu
- ↑ London Metropolitan Archives, St Marylebone, Westminster, Day book of baptisms, July 1798-May 1803, P89/MRY1/083
- ↑ "DEATH OF AN EX MP FOR THE MONMOUTH BOROUGHS - The Western Mail". Abel Nadin. 1878-09-28. Cyrchwyd 2015-12-01.
- ↑ "Notitle - Monmouthshire Merlin". Charles Hough. 1837-07-15. Cyrchwyd 2015-12-01.
- ↑ Archif Genedlaethol y DU Reginald James Blewitt Deed of arrangement for settlement of debts [1] Archifwyd 2020-10-21 yn y Peiriant Wayback. adalwyd 1 Rhag 2015
- ↑ Archif Genedlaethol y DU; Lunacy Patients Admission Registers; Dosbarth: MH 94; Darn: 5 Tudalen:26
| Senedd y Deyrnas Unedig | ||
|---|---|---|
| Rhagflaenydd: Benjamin Hall |
Aelod Seneddol Bwrdeistrefi Sir Fynwy 1837 – 1852 |
Olynydd: Crawshay Bailey |