Atomfa'r Wylfa
Gorsaf bŵer niwclear yng ngogledd Ynys Môn yw Atomfa'r Wylfa neu Gorsaf Bŵer Niwclear yr Wylfa. Nid yw'n cynhyrchu trydan bellach. Saif ar benrhyn ar yr arfordir, ychydig i'r dwyrain o dref Cemaes. Daw'r enw o enw tŷ a adeiladwyd ar y safle yn niwedd y 19g gan David Hughes.
 | |
| Math | atomfa  |
|---|---|
| Daearyddiaeth | |
| Sir | Llanbadrig |
| Gwlad |  Cymru |
| Cyfesurynnau | 53.4167°N 4.4833°W |
| Rheolir gan | Magnox Ltd |
 | |
Adeiladwyd yr atomfa o 1963 ymlaen (ond roedd gwaith paratoi'r safle wedi dechrau yn 1962) ac agorwyd yr orsaf yn 1971. Mae'n cynnwys dau adweithydd niwclear Magnox, 490 MW yr un, "Wylfa-1" a "Wylfa-2". Hi yw'r orsaf fwyaf o'r math yma yn y Deyrnas Unedig.
Cyhoeddwyd yn 2006 y byddai gorsaf yr Wylfa yn cau yn 2010, gan na byddai'n economaidd ei chadw wedi'r dyddiad hwnnw. Bu awgrym y gellid ei chadw ar agor am rai blynyddoedd wedyn. Yn 2012, cafodd Adweithydd 2 ei ddiffodd, ac ar 30 Rhagfyr 2015, cafodd Adweithydd 1 ei ddiffodd, gan ddod â 44 mlynedd o gynhyrchu trydan ar y safle i ben.
Mae cynigion i adeiladu gorsaf niwclear newydd, Wylfa B, ar y safle, er bod hyn yn cael ei wrthwynebu gan grŵp PAWB (Pobl Atal Wylfa-B).
