August Wilhelm Schlegel

Ysgolhaig, beirniad llenyddol a theatr, bardd, a chyfieithydd o'r Almaen oedd August Wilhelm Schlegel (8 Medi 1767 – 12 Mai 1845).

August Wilhelm Schlegel
Portread o August Wilhelm Schlegel gan Adolf Hohneck.
Ganwyd	8 Medi 1767  Hannover
Bu farw	12 Mai 1845  Bonn
Dinasyddiaeth	Teyrnas Hannover
Alma mater	Prifysgol Georg August Göttingen
Galwedigaeth	ieithydd, cyfieithydd, ysgolhaig Sansgrit, athronydd, bardd, beirniad llenyddol, hanesydd llenyddiaeth, Rhufeinydd, dramodydd, academydd, academydd mewn Sanskrit, llenor, hanesydd celf
Cyflogwr	Prifysgol Bonn Prifysgol Friedrich Schiller Jena
Mudiad	Rhamantiaeth, German Romanticism, Jena Romanticism
Tad	Johann Adolf Schlegel
Priod	Caroline Schelling
Gwobr/au	Urdd Teilyngdod am Wyddoniaeth a Chelf
llofnod

Ganed ef yn Hannover, Etholyddiaeth Hannover, a oedd yn rhan o'r Ymerodraeth Lân Rufeinig. Astudiodd yn Göttingen, a gyda'i frawd Friedrich Schlegel golygydd Das Athenäum (1798–1800), prif gyfnodolyn y mudiad Rhamantaidd Almaenig a fu'n cyhoeddi gwaith Novalis ac eraill.

Bu August Wilhelm Schlegel yn enwog yn bennaf am ei gyfieithiadau barddonol o ddramâu William Shakespeare, ar y cyd â Ludwig Tieck ac eraill, ac am ei gyfres o ddarlithoedd Über dramatische Kunst und Literatur (1809–11), y rheiny a droswyd i'r Saesneg (Lectures on Dramatic Art and Literature, 1815) gan John Black ac a gâi gymaint o ddylanwad ar y bardd William Wordsworth a'r beirniad William Hazlitt. Tynnodd Samuel Taylor Coleridge ar syniadau a rhannau o waith Schlegel, heb gydnabyddiaeth, yn ei gyfres o ddarlithoedd ym 1811.

Bu farw August Wilhelm Schlegel yn Bonn, Teyrnas Prwsia, yn 77 oed.