C.P.D. Airbus UK Brychdyn

Clwb pêl-droed o dref Brychdyn, Sir Y Fflint yw Clwb Pêl-droed Airbus UK Brychdyn (Saesneg: Airbus UK Broughton Football Club). Mae'r clwb yn chwarae yn Uwch Gynghrair Cymru, prif adran pêl-droed yng Nghymru.

C.P.D. Airbus UK

Enw llawn	Clwb Pêl-droed Airbus U.K
Llysenw(au)	The Wingmakers
Sefydlwyd	1946 (fel Vickers-Armstrong)
Maes	The Airfield, Brychdyn
Cadeirydd	Paul McKinlay
Rheolwr	Andy Thomas
Cynghrair	Cymru North (II)
2023-24	3

Ffurfiwyd y clwb ym 1946 fel clwb pêl-droed ffatri awyrennau Vickers-Armstrong sydd, erbyn heddiw, yn berchen i gwmni Airbus. Maent yn chwarae eu gemau cartref ar Y Maes Awyr, maes sy'n dal uchafswm o 1,600 o dorf.

Hanes

Ffurfwyd y Clwb ym 1946, fel CPD Vickers-Armstrong ac ers hynny mae'r clwb wedi newid eu henwau wrth i'r ffatri newid perchnogaeth. Dros y blynyddoedd maent wedi eu hadnabod fel de Havillands, Hawker Siddeley, British Aerospace, a BAE Systems.

Ar ôl treulio blynyddoedd yng Nghynghreiriau Caer a'r Cyffiniau ac Ardal Wrecsam, dechreuodd y clwb esgyn trwy'r cynghreiriau cyn sicrhau dyrchafiad i Gynghrair Undebol Cymru ar ddiwedd tymor 1999–2000. Yn eu tymor cyntaf yn y Gynghrair Undebol newidiwyd eu henwau i Airbus UK a sicrhawyd dyrchafiad i Uwch Gynghrair Cymru ar ddiwedd tymor 2003-04.

Llwyddodd y clwb i sicrhau eu lle yn nghystadlaethau Ewrop am y tro cyntaf yn 2013-14 ac er sicrhau dwy gêm gyfartal yn erbyn Ventspils o Latfia, colli oedd hanes Airbus diolch i'r rheol goliau oddi cartref.

Record yn Ewrop

Tymor	Cystadleuaeth	Rownd	Clwb	Cymal 1af	2il Gymal	Dros Ddau Gymal
2013–14	Cynghrair Europa UEFA	Rhag 1	Ventspils	1–1	0–0	1–1 (a)
2014–15	Cynghrair Europa UEFA	Rhag 1	FK Haugesund	1-1	1-2	2–3
2015–16	Cynghrair Europa UEFA	Rhag 1	Lokomotiva Zagreb	1-3

Anrhydeddau

• Uwch Gynghrair Cymru
  • Ail 2012-13, 2013-14