Cambria, Wisconsin
Pentref yn Swydd Columbia, talaith Wisconsin, Unol Daleithiau America, yw Cambria.
 | |
| Math |
village of Wisconsin  |
|---|---|
|
| |
| Poblogaeth |
767 |
| Daearyddiaeth | |
| Sir |
Columbia County |
| Gwlad |
 Unol Daleithiau America |
| Arwynebedd |
2.684154 km² |
| Uwch y môr |
279 ±1 metr |
| Cyfesurynnau |
43.5428°N 89.11°W |
 | |
- Am enghreifftiau eraill o'r enw, gweler Cambria.
Yn wreiddiol galwyd y pentref yn Florence neu Langdon's Mills, wedyn Bellville. Daeth yr enw Cambria wedi i grŵp ymfudo o Gymru, yn cynnwys teuluoedd o ardal Dolwyddelan ym 1845. Roedd y criw yma wedi dechrau ar eu siwrnai yn cerdded o Ddolwyddelan i Drefriw gyda'r holl gymuned yn eu hebrwng, ac o Drefriw ar long i Lerpwl cyn hwylio ar draws Môr Iwerydd i Efrog Newydd. Bu farw rhai ar y daith.
Roedd J. Glyn Davies yn berthynas i rai o'r ymfudwyr, yn ddisgynydd o gangen o'r teulu a arhosodd yng Nghymru. Mewn erthygl a gyhoeddwyd wedi ei farwolaeth yntau, mae'n adrodd hanes ymweliad ganddo pan yn ddyn ifanc â Chambria ym 1898. Mae'n cofnodi sut roedd yr iaith Gymraeg yn fyw iawn yn y pentref bryd hynny, a'r brodorion yn barod i gyfarch un arall o'r un llwyth, ond bod yr arferion yn dechrau pallu wrth bod y gymdeithas yn cymysgu.
FfynhonnellGolygu
- J. Glyn Davies, "Cambria, Wisconsin in 1898", Transactions of the Honourable Society of Cymmrodorion, 1957, tud. 128–159