Charlotte Godley

gohebydd (1821-1907)

Roedd Charlotte Godley (14 Tachwedd 18213 Ionawr 1907) yn Gymraes a ddaeth yn lythyr-wraig ac arweinydd cymunedol yn Seland Newydd.

Charlotte Godley
Ganwyd14 Tachwedd 1821 Edit this on Wikidata
Pentrefoelas Edit this on Wikidata
Bu farw3 Ionawr 1907 Edit this on Wikidata
Llundain Edit this on Wikidata
DinasyddiaethBaner Cymru Cymru
Galwedigaethgohebydd Edit this on Wikidata
TadCharles Griffith-Wynne Edit this on Wikidata
MamSarah Hildyard Edit this on Wikidata
PriodJohn Robert Godley Edit this on Wikidata
PlantArthur Godley, 1st Baron Kilbracken, Rose Mary Godley, Mary Henrietta Godley, Margaret Ethel Godley, Frances Eleanor Godley Edit this on Wikidata

Teulu golygu

Ganwyd Charlotte Griffith-Wynne yn Voelas House (bellach wedi ei ddymchwel) yn SIr Ddinbych, Cymru, yn 1821. Roedd yn ferch i Charles Griffith-Wynne, AS Sir Gaernarfon (1830–1832) a'i wraig, Sarah Hildyard, merch y Parch Henry Hildyard.[1] Ei brawd oedd Charles Wynne.

Priodas a Seland Newydd golygu

Cofrestrwyd ei phriodas a John Robert Godley yn Llanrwst ar ddiwedd haf 1846.[2] Cawsant bedair o ferched: Rose (a aned yn Seland Newydd ychydig cyn iddynt adael), Eleanor, Mary, a Margaret; ganed y tair ieuengaf yn Lloegr ar ol 1853.[3] Roedd ganddynt un mab hefyd, Sir Arthur Godley, a ddaeth yn Farwn Kilbracken.

Hwyliodd Charloette a John Robert Godley am Seland Newydd ar ddiwedd 1849, a chyrraedd ym Mawrth 1850 ar y llong Lady Nugent. Roedd eu cartref yn Lyttelton yn fwthyn pren chwe ystafell ble byddai'n croesawu ymwelwyr fel y Parch. Thomas Jackson.[4] Gadawsant cyn diwedd 1852. Tra oedd yn Wellington, Lyttelton, a Ricarton, ysgrifennodd Mrs. Godley lythyrau at ei mam a oedd adref yng Nghymru, a chyhoeddwyd hwy (ar ôl ei marwolaeth) fel Letters from Early New Zealand.[5] Roedd y llythyrau yn disgrifio arferion Māori, ffasiwn lleol, daeargrynfeydd, y gymdeithas yn Dunedin, a manylion am brydau bwyd, rheoli cartref, a'r hinsawdd.[6]

Bywyd diweddarach golygu

Bu farw ei gwr 1861, a bu Charlotte yn byw yn Llundain wedi hynny am dros ddeugain mlynedd, tan ei marwolaeth yn 85 oed ar 3 Ionawr 1903. Ysgrifennodd Eveline, ei hwyres (merch Arthur Godley), gofiant iddi yn argraffiad preifat 1936 o'r llythyrau.[7]

Cyfeiriadau golygu

  1. Blain, Rev. Michael (2007). The Canterbury Association (1848-1852): A Study of Its Members’ Connections (PDF). Christchurch: Project Canterbury. tt. 93–94. Cyrchwyd 2013-04-03.
  2. "Index entry". FreeBMD. ONS. Cyrchwyd 14 June 2014.
  3. Lundy, Darryl. "The Peerage". Cyrchwyd 26 June 2014.
  4. C. E. Carrington, John Robert Godley of Canterbury (Cambridge University Press 1950): 120.
  5. Charlotte Godley, Letters from Early New Zealand, 1850-1853 (Whitcombe & Toombs 1951).
  6. Beryl Hughes, "Godley, Charlotte", from the Dictionary of New Zealand Biography. Te Ara - the Encyclopedia of New Zealand updated 30 October 2012.
  7. Eveline C. Godley, "Charlotte Godley: An Impression" in Letters from Early New Zealand (New Zealand Electronic Text Collection).