Clement Freud

Darlledwr, llenor a gwleidydd o Loegr oedd Syr Clement Raphael Freud (24 Ebrill 1924 – 15 Ebrill 2009). Roedd yn enwog am "ei olwg lechgïaidd, meddwl craf, a ffraethineb egr".

Clement Freud
Ganwyd	Clemens Rafael Freud  24 Ebrill 1924  Berlin
Bu farw	15 Ebrill 2009  Llundain
Man preswyl	Hampstead
Dinasyddiaeth	y Deyrnas Unedig, Teyrnas Unedig Prydain Fawr ac Iwerddon
Alma mater	Ysgol Sant Paul Hall School Dartington Hall School
Galwedigaeth	pen-cogydd, gwleidydd, cyflwynydd radio, awdur plant, llenor, newyddiadurwr, perchennog bwyty
Swydd	Aelod o 49fed Llywodraeth y DU, Aelod o 48fed Llywodraeth y DU, Aelod o 47fed Llywodraeth y DU, Aelod o 46ed Llywodraeth y DU, Aelod o 45ed Llywodraeth y DU
Plaid Wleidyddol	Plaid Ryddfrydol
Tad	Ernst Ludwig Freud
Mam	Lucie Brasch
Priod	June Flewett
Plant	Emma Freud, Matthew Freud, Nicola Mary Freud, Dominic Martin Freud
Gwobr/au	Marchog Faglor

Ganwyd ym Merlin, a symudodd ei deulu i Loegr ym 1933. Ymunodd ei daid enwog, y seiciatrydd Sigmund Freud, â'r teulu ym 1938. Roedd Clement yn frawd iau i'r arlunydd Lucian Freud; wedi eu plentyndod, nid oedd y ddau yn siarad am y mwyafrif o'u hoes.

Aeth yn brentis coginio a rheoli gwesty. Wedi iddo wasanaethu gyda Reifflwyr Brenhinol Wlster yn ystod yr Ail Ryfel Byd, daeth yn gogydd, rheolwr bwyty, a newyddiadurwr bwyd a diod. Dechreuodd ysgrifennu ar bynciau eraill, megis chwaraeon, a daeth yn sylwebydd. Daeth yn wyneb gyfarwydd wrth ymddangos mewn cyfres o hysbysebion teledu am fwyd ci. Enillodd ei enw fel storïwr ffraeth ar y sioe banel Just a Minute ar radio'r BBC.

Cafodd ei ethol yn Aelod Seneddol y Blaid Ryddfrydol dros Ynys Ely ym 1973. Ymhlith ei hoff achosion oedd addysg, noddi'r celfyddydau, a rhyddid gwybodaeth. Collodd ei sedd ym 1987.

Priododd yr actores Jilly Raymond ym 1950 a chafodd tri mab a dwy ferch. Bu farw Clement Freud yn 84 oed. Yn 2016 fe'i gyhuddwyd o drais a cham-drin rhywiol gan dair menyw.

Llyfryddiaeth

• Grimble (1968)
• Grimble at Christmas (1973)
• Freud on Food (1978)
• Clicking Vicky (1980)
• The Book of Hangovers (1981)
• Below the Belt (1983)
• No one Else Has Complained (1988)
• The Gourmet's Tour of Great Britain and Ireland (1989)
• Freud Ego (2001)

Senedd y Deyrnas Unedig
Rhagflaenydd: Harry Legge-Bourke	Aelod Seneddol dros Ynys Ely 1973 – 1983	Olynydd: dilewyd yr etholaeth
Rhagflaenydd: etholaeth newydd	Aelod Seneddol dros Ogledd-ddwyrain Swydd Gaergrawnt 1983 – 1987	Olynydd: Malcolm Moss