Cliftonville F.C.

clwb pêl-droed, Belfast, Gogledd Iwerddon

Mae Cliftonville Football and Athletau Club, a adwaenir yn well fel Cliftonville F.C., yn un o brif glybiau pêl-droed Gogledd Iwerddon ac wedi ei lleoli yn ninas Belfast. Fe'i sefydlwyd yn 1879, dyma'r clwb hynaf yng Ngogledd Iwerddon. Mae'r sylfaen wedi'i chysylltu'n gryf ag entrepreneur ifanc o Belfast, John McAlery. Mae cefnogwyr y tîm yn dod o'r gymuned dosbarth gweithiol a Chatholig, genedlaetholaidd Belfast.

Cliftonville
150px-Cliftonville.png
Enw llawnCliftonville Football & Athletic Club
LlysenwauThe Reds
SefydlwydMedi 1879; 142 blynedd yn ôl (1879-09)
MaesSolitude
(sy'n dal: 3,200)
CadeiryddGerard Lawlor
RheolwrPaddy McLaughlin
CynghrairNIFL Premiership
2018–195ed
Lliwiau Cartref
Lliwiau Oddi cartref

HanesGolygu

Cyhoeddwyd sefydlu Cliftonville ar 20 Medi 1879 yng nghologn hysbysiadau ym mhapur yr Belfast News-Letter a'r Northern Whig, a alwodd i "gentlemen desirous of becoming members" of the "Cliftonville Association Football Club (Scottish Association Rules)" i gysylltu gyda J.M. McAlery, dyn busnes ifanc o Belfast a rheolwr yr "Irish Tweed House", Royal Avenue ac, yn ddiweddarach drwy eiddo yn Rosemary Street, neu drwy law RM Kennedy, a hysbysebodd "opening practice today at 3.30"".[1][2]

Wedi dim ond wythnos wedi i'r hysbyseb gael ei chyhoeddi, chwaraeodd Cliftonville ei gêm gyntaf a recordiwyd ar Faes Criced Cliftonville yn erbyn detholiad o chwaraewyr rygbi o'r enw Quidnunces ar 29 Medi 1879 gan golli 2-1. Yn ei gêm gyntaf yn erbyn yr Scottish Caledonian Caledonian, roedd y sgôr yn waeth gan golli 1-9. [1]

Bu John McAlery yn brysur eto yn 1880 wrth iddo ffurfio Cymdeithas Bêl-droed Iwerddon. Rhoddodd wahoddiad i bartïon â diddordeb ym Melfast ac ardal i alw cyfarfod. Cynhaliwyd y cyfarfod cyntaf ar 18 Tachwedd 1880 yng Ngwesty'r Queen's, Belfast, dan arweiniad John Sinclair, a ffurfiwyd Cymdeithas Bêl-droed Iwerddon. Tra penodwyd Major Chichester yn llywydd, daeth McAlery yn ysgrifennydd anrhydeddus y gymdeithas. Roedd y cyfarfod hwn hefyd yn paratoi'r ffordd ar gyfer Cwpan Iwerddon.

StadiwmGolygu

Maes cartref Cliftonville yw stadiwm Solitude, sy'n dal torf o 3,700. Mae'r clwb wedi chwarae yno ers 1890. Mae'r clwb wedi wedi ennill 5 pencampwriaeth genedlaethol, 8 Cwpan Iwerddon a 4 Cwpan Cynghrair Gogledd Iwerddon.

Prif WrthwynebwyrGolygu

 
Map Belffast yn dangos lleoliad clybiau Cliftonville a'r Crusaders

Cliftonville yw tîm Catholig Belfast, mae gan ei gefnogwyr berthynas gystadleuol ffyrnig tuag at y ddau dîm a gefnogir gan y gymuned Brotestannaidd, Linfield a'r Glentoran. Gelwir eu cefnogwyr mwyaf pybur yn "Red Army". Yn ystod yr 1970au a'r Traferthiol yng Ngogledd Iwerddon, roedd trais rhwng cefnogwyr Cliftoville a chefnogwyr Glentoran yn gyffredin.

Ceir gemau darbi cliftonville yn erbyn tîm arall gogledd Belfast, sef Crusaders F.C. dyma'r "North Belfast Derby".

Ynghyd â Linfield a Glentoran, dydy Cliftonville erioed wedi cwympo i adrannu is.

Ar 27 Mehefin 2019 chwaraeodd Cliftonville yn erbyn y Barri.

AnrhydeddauGolygu

  • Uwch Gynghrair Gogledd Iwerddon (gan gynnwys yr hen "Irish League" oedd, tan yr 1920au yn cynnwys De Iwerddon: 5 (gan gynnwys un wedi ei rannu)
    • 1905–06 (rhannu gyda Distillery), 1909–10, 1997–98, 2012–13, 2013–14
  • Cwpan Iwerddon (oedd yn cynnwys holl dimau Iwerddon nes yr 1920 ac sy'n dal i arddel yr enw wreiddiol genedlaethol): 8
    • 1882–83, 1887–88, 1896–97, 1899–00, 1900–01, 1906–07, 1908–09, 1978–79
  • Cwpan Cynghrair Gogledd Iwerddon: 5
    • 2003–04, 2012–13, 2013–14, 2014–15, 2015–16

Cliftonville yn EwropGolygu

Ers 1979 mae Cliftonville wedi chwarae mewn amrywiaeth o gystadlaethau Ewropeaidd:

1998/99, 2013/14, 2014/15
2010/11, 2011/12, 2012/13, 2016/17, 2018/19, 2019/20
  • Cwpan Enillwyr Cwpanau Ewrop /Europacup II
1979/80
2008/09
1996, 2001, 2007

DolenniGolygu

CyfeiriadauGolygu

  1. 1.0 1.1 Malcolm Brodie, "100 Years of Irish Football", Blackstaff Press, Belfast (1980)
  2. Northern Whig, 20 September 1879