Clwb Rygbi Aberystwyth

Aberystwyth RFC
Enw llawn	Clwb Rygbi Aberystwyth Rugby Football Club
Undeb	Undeb Rygbi Cymru
Sefydlwyd	1947
Lleoliad	Aberystwyth, Cymru
Maes/ydd	Plascrug
Cadeirydd	Tim Lewis
Hyfforddwr	Iestyn Thomas, Ifan Thomas, Craig Turner and Rob Rudge.
Capten	Arwel Lloyd
Cynghrair/au	Adran 1 Gorllewin URC
2017-2018	5th
Lliwiau cartref	Lliwiau oddi cartref
Gwefan swyddogol
	www.aberystwythrfc.co.uk

Mae Clwb Rygbi Aberystwyth (Saesneg: Aberystwyth RFC) yn dîm rygbi'r undeb o dref Aberystwyth. Mae'r clwb yn aelod o Undeb Rygbi Cymru ac yn glwb bwydo ar gyfer ochr ranbarthol y Scarlets.^[2]

Hanes

Bu chware rygbi yn Aberystwyth ers diwedd y 19g ^[3] pan sefydlodd y Coleg Prifysgol Cymru, Aberystwyth dîm rygbi.

Sefydlwyd Clwb Rygbi Aberystwyth ym 1947 ^[3] ac roedd y gêm gyntaf yn erbyn ail dîm Coleg Prifysgol Cymru, Aberystwyth lle collodd y tîm newydd o'r dre 24-3.^[4] Enillodd y clwb aelodaeth o Undeb Rygbi Cymru ym mis Mai 1954 a oedd yn caniatáu iddi gynnal gemau cystadleuol yn y dyfodol. Sefydlwyd clwb y tîm gyda chymorth benthyciad di-log deng mlynedd gan yr WRU ym 1960.

Mae arwyddlun y clwb yn darlunio fersiwn lliw glas o'r lle sydd ar faner Ceredigion gan nodi hanes a chysylltiad y clwb gyda'r dref a'r teulu Pryse, perchnogion stâd Gogerddan oedd perchen llawer o dir yng ngogledd Ceredigion a'r rheswm bod cymaint o dai tafarndai yng ngogledd y sir yn arddel yr enw Llew Du.

Timau

Mae gan y Clwb 500 o aelodau sy'n cynnwys oedolion a phlant. Mae ganddynt 2 tim i oedolion, 1 tim iau a 10 tim i blant lan at 16 mlwydd oed.^[5]

Mae'r tîm cyntaf yn chwarae yn Adran 1 Gorllewin ("Division 1 West"), URC.^[6]

Adeilad

Mae'r clwb wedi ei lleoli yn ardal Plas-crug o'r dref, rhwng Ysgol Gynradd Gymunedol Plascrug ac Ysgol Gymraeg Aberystwyth. Adeiladwyd y Clwbfa gyntaf fel adeilad prefab yn 1960 on llosgodd yr adeilad hwnnw i'r llawr ac fe’i hailadeiladwyd yn y 1970au. Ers hynny, bu sawl helaethiad i'r adeilad gan gynnwys cyfleusterau newid newydd a lolfa.^[4]