Damwain drên Sir Drefaldwyn

Ar 26 Ionawr 1921 bu damwain ddifrifol pan ddaeth dau drên benben â'i gilydd. Damwain drên Sir Drefaldwyn yw'r ddamwain drên waethaf yng Nghymru erioed a'r unig un ar drac un lein.

Damwain drên Sir Drefaldwyn

Gorsaf Drenau Aber-miwl yn 1953.
Enghraifft o'r canlynol	train wreck
Dyddiad	26 Ionawr 1921
Lladdwyd	17
Lleoliad	Aber-miwl
Gweithredwr	Rheilffordd y Cambrian
Gwladwriaeth	Teyrnas Unedig Prydain Fawr ac Iwerddon
Rhanbarth	Powys

Digwyddodd y ddamwain ar y lein rhwng y Drenewydd ac Aber-miwl; roedd y naill drên yn teithio o Aberystwyth i Fanceinion a'r llall yn teithio o Whitchurch, Swydd Amwythig, i Aberystwyth. Effaith y gwrthdrawiad oedd i injan un o'r trenau gael ei wthio i fyny i'r awyr a glanio ar ail gerbyd y trên arall. Lladdwyd 17 o bobl, ac yn eu plith roedd un o gyfarwyddwyr lein y Cambrian, Herbert Vane-Tempest. Ymhlith y rhai a laddwyd hefyd roedd Harold Owen Owen, un o gyfarwyddwyr siop Owen Owen, Lerpwl. Lladdwyd gyrrwr y trên o'r Amwythig, sef George Jones hefyd.

Yn 1923 dilewyd y rhannau o'r lein a oedd yn sengl, gan ddyblu'r traciau a'i gwneud yn amhosibl i'r math yma o ddamweiniau ddigwydd eto. Rhoddwyd y bai ar staff Gorsaf reilffordd Aber-miwl am beidio a gwiro'r tocyn a roddwyd iddynt, sef y caniatâd angenrheidiol i'r trên fynd yn ei flaen.

Gweler hefyd

• Damwain drên Abergele