Darius II, brenin Persia

Brenin Ymerodraeth Persia oedd Darius II, Hen Berseg: Dārayavahuš, enw gwreiddiol Ochus (bu farw 404 CC).

Darius II, brenin Persia
Ganwyd	475 CC  Persis
Bu farw	404 CC  Babilon
Dinasyddiaeth	Yr Ymerodraeth Achaemenaidd
Galwedigaeth	teyrn, Shah
Swydd	Pharo
Rhagflaenydd	Arsites
Tad	Artaxerxes I, brenin Persia
Mam	Cosmartidene
Priod	Parysatis
Plant	Ostanes, Artaxerxes II, brenin Persia, Cyrus yr Ieuengaf, Amastris
Llinach	Brenhinllyn yr Achaemenid

Roedd Ochus yn fab gordderch i Artaxerxes I. Ar farwolaeth Artaxerxes yn 424 CC, olynwyd ef gan ei unig fab gan ei frenhines, Xerxes II. Yn fuan wedyn, llofruddiwyd Xerxes II ar orchymyn ei hanner brawd, Sogdianus, a'i dilynodd ar yr orsedd. Chwe mis yn ddiweddarach, lladdwyd Sogdianus ar orchymyn Ochus, a daeth Ochus yn frenin dan yr enw Darius II yn 423 CC.

Er iddo deyrnasu am bron ugain mlynedd, ni wyddir llawer am ddigwyddiadau ei gyfnod. Crybwylla Xenophon wrthryfel gan y Mediaid yn 409 CC. Wedi i rym Athen wanychu yn ystod ei rhyfel yn erbyn Sparta, gwnaeth Darius gynghrair gyda Sparta yn ei herbyn, ac yn 408 CC, gyrroedd ei fab, Cyrus i Asia Leiaf i ymgyrchu. Olynwyd ef gan Artaxerxes II.

Rhagflaenydd: Sogdianus	Brenin Ymerodraeth Achaemenid Persia 423 CC – 404 CC	Olynydd: Artaxerxes II
Rhagflaenydd: Sogdianus	Brenin yr Aifft 423 CC – 404 CC	Olynydd: Amyrtaeus