Artaxerxes I, brenin Persia

Brenin Ymerodraeth Persia rhwng 465 CC a 424 CC oedd Artaxerxes I (Hen Berseg: Artaxšacā, Perseg: اردشیر یکم (Ardeshir), Groeg: Ἀρταξέρξης; bu farw 424 CC).

Artaxerxes I, brenin Persia
Ganwyd	5 g CC
Bu farw	424 CC  Susa
Galwedigaeth	brenin neu frenhines
Swydd	Uwch Frenin
Rhagflaenydd	Xerxes I
Tad	Xerxes I
Mam	Amestris
Priod	Damaspia
Plant	Sogdianus, Xerxes II, Darius II, Parysatis, Arsites
Llinach	Brenhinllyn yr Achaemenid

Roedd yn fab i Xerxes I, brenin Persia, ac olynodd ef ar yr orsedd yn 465 CC. Ceisiodd wanhau Athen trwy ariannu ei gelynion yng Ngwlad Groeg. Hyn a achosodd i'r Atheniaid symud trysorfa Cynghrair Delos o ynys Delos i'r Acropolis yn Athen. Yn 449 CC, gwnaed cytundeb heddwch rhwng Athen, Argos a Persia.

Mae Artaxerxes yn ymddangos yn Llyfr Ezra yn y Beibl, lle mae'n rhoi llywodraeth ar yr Iddewon i Ezra. Gadawodd Ezra ddinas Babilon yn 457 CC a theithio i ddinas Jeriwsalem.

Olynwyd ef gan ei fab, Xerxes II.

Rhagflaenydd: Xerxes I	Brenin Ymerodraeth Achaemenid Persia 464 CC – 424 CC	Olynydd: Xerxes II
Rhagflaenydd: Xerxes I	Brenin yr Aifft 464 CC – 424 CC	Olynydd: Xerxes II