Derwentwater
Un o lynnoedd Ardal y Llynnoedd, Cumbria, Gogledd-orllewin Lloegr, yw Derwentwater (Cymraeg: Llyn Derwennydd) , a leolir yn nyffryn Borrowdale yn awdurdod unedol Cumberland. Mae Afon Derwent yn llifo i mewn iddo yn y de, ac yn ei ddraenio yn y gogledd. Mae ganddo hyd o 3 milltir (4.8 km), lled o 1 milltir (1.6 km) a dyfnder o tua 22 metr (72 troedfedd) yn ei ran ddyfnaf. Mae sawl ynys yn y llyn.
 | |
| Math | llyn  |
|---|---|
| Ardal weinyddol | Lloegr |
| Daearyddiaeth | |
| Ardal warchodol | Parc Cenedlaethol Ardal y Llynnoedd |
| Sir | Cumbria (Sir seremonïol) |
| Gwlad |  Lloegr |
| Cyfesurynnau | 54.5833°N 3.15°W |
| Hyd | 4.6 cilometr |
| Cadwyn fynydd | Ardal y Llynnoedd, Lloegr |
 | |
Yn ôl yr Athro R. Geraint Gruffydd, mae'n fwy na thebyg mai Llyn Derwennydd oedd yr hen enw, ac mai cyfeiriad at Raeadr Derwennydd a geir yn y gerdd Pais Dinogad (7g, pan ddywedir:
Pan elai dy dad di i fynydd
Dyddygai ef pen i wrch, pen gwythwch, pen hydd,
Pen grugiar fraith o fynydd,
Pen pysg o Rhaeadr Derwennydd.[1]
Oriel golygu
Derwentwater o'r lan ogleddol ger Keswick
Derwentwater o Cat Bells ar yr ochr orllweinol
Gweler hefyd golygu
Cyfeiriadau golygu
- ↑ Ble oedd Rhaeadr Derwennydd’?; Yr Athro R. Geraint Gruffydd
