Dracula

Clawr yr argraffiad cyntaf (1897)

Nofel o 1897 gan yr awdur Gwyddelig Bram Stoker yw Dracula. Y prif gymeriad yw'r fampir Cownt Dracula.

O ran strwythur, nofel epistolaidd yw Dracula, sef cyfres o gofnodion mewn dyddiadur a llythyron. Astudiwyd themâu'r nofel gan feirniaid llenyddol a gwelir pynciau megis rôl gwragedd yn y diwylliant Fictorianaidd, rhywioldeb confensiynol a cheidwadol, mewnlifiad, gwladychu a chwedloniaeth. Er na chrëwyd chwedl y fampir ei hun gan Stoker, cafodd ei nofel ddylanwad sylweddol ar boblogrwydd fampirod mewn dramâu, ffilmiau ac addasiadau teledu trwy gydol yr 20fed a'r 21ain ganrif a chysylltir cymeriad Cownt Dracula gyda nifer o fathau o ysgrifennu llenyddol gan gynnwys llenyddiaeth fampir, ffuglen arswyd, y nofel gothig a llenyddiaeth ymosodiad.