Driss Chraïbi

Driss Chraïbi
Driss Chraïbi
Ganwyd	15 Gorffennaf 1926 ; El Jadida
Bu farw	1 Ebrill 2007 ; Valence
Dinasyddiaeth	Moroco
Alma mater	Lycée Lyautey ;
Galwedigaeth	llenor, newyddiadurwr, awdur plant, dramodydd, radio journalist, rhyddieithwr, academydd
Cyflogwr	Prifysgol Laval ;

Roedd Driss Chraïbi (15 Gorffennaf 1926 - 1 Ebrill 2007) yn awdur o Foroco a aned yn El Jadida. Prif thema ei nofelau yw trefedigaeth ac maent yn cynnwys elfennau hunangofiannol amlwg.

Gwaith llenyddol

Ar ôl treulio ei blentyndod yn Casablanca, aeth Driss Chraïbi i Baris yn 1946 er mwyn astudio cemeg a niwroseiceiatreg, cyn iddo droi i lenydda a dilyn gyrfa fel newyddiadurwr.

Cyhoeddwyd ei nofel gyntaf, Le passé simple, yn 1954. Ers hynny mae wedi cyhoeddi nofelau ac ysgrifau yn rheolaidd ac erbyn heddiw mae'n un o'r llenorion yn yr iaith Ffrangeg mwyaf adnabyddus o Ogledd Affrica.

Un o'i gymeriadau ffuglen mwyaf llwyddiannus yw'r Arolygydd Ali, ffigwr led-gomig y mae ei anturiaethau'n cael eu defnyddio fel cyfrwng i osod allan rhagrith gwleidyddiaeth yr oes, ym Moroco a thramor (Une enquête au pays, L’Inspecteur Ali, L'Inspecteur Ali à Trinity College, L'Inspecteur Ali et la CIA).

Yn ogystal mae Chraïbi wedi sgwennu cyfres uchelgeisiol o nofelau hanesyddol, wedi'u sgwennu'n gain iawn, ar hanes Islam yn y Maghreb ac Andalucía (La Mère du printemps, Naissance à l'aube, L'homme qui venait du passé)

Mae ei nofel fer ar fywyd y Proffwyd Mohamed, L'Homme du Livre, wedi torri tir newydd yn llenyddiaeth y byd Islamaidd.

Llyfryddiaeth

Le passé simple, Gallimard, 1954
Les Boucs, Gallimard,1955
L'Âne, 1956
De tous les horizons, 1958
La Foule, 1961
Succession ouverte, Gallimard, 1962
Un Ami viendra vous voir, 1967
La Civilisation, ma mère!..., Gallimard, 1972
Mort au Canada, 1975
Une enquête au pays, Seuil, 1999
La Mère du printemps, seuil, 1995
Naissance à l'aube, 1986
L'Homme du livre, 1995
L'Inspecteur Ali, Gallimard
L'Inspecteur Ali à Trinity College, Denoël, 1995
L'Inspecteur Ali et la CIA, Denoël, 1996
Lu, vu, entendu, Denoël, 1998
Le Monde à côté, Denoël, 2001
L'homme qui venait du passé, Denoël, 2004

Dolen allanol

(Ffrangeg) Pennod gyntaf Les Boucs (ffeil awdio mp3) Archifwyd 2005-10-12 yn y Peiriant Wayback

Driss Chraïbi

Ganwyd	15 Gorffennaf 1926 El Jadida
Bu farw	1 Ebrill 2007 Valence
Dinasyddiaeth	Moroco
Alma mater	Lycée Lyautey
Galwedigaeth	llenor, newyddiadurwr, awdur plant, dramodydd, radio journalist, rhyddieithwr, academydd
Cyflogwr	Prifysgol Laval