EarthRights International
Mae EarthRights International (ERI) yn sefydliad hawliau dynol ac amgylcheddol, dielw, Americanaidd a sefydlwyd ym 1995 gan Katie Redford, Ka Hsaw Wa, a Tyler Giannini.[1][2][3]
| Enghraifft o'r canlynol | sefydliad di-elw  |
|---|---|
| Dechrau/Sefydlu | 1995 |
| Ffurf gyfreithiol | sefydliad 501(c)(3) |
| Pencadlys | Washington |
| Gwladwriaeth | Unol Daleithiau America |
| Gwefan | http://www.earthrights.org |
Ffurfiwyd y sefydliad ar ôl i Katie Redford, Ka Hsaw Wa a Tyler Giannini ffeilio achos cyfreithiol yn erbyn cwmni Unocal am droseddau hawliau dynol. Mae’r cwmni olew rhyngwladol Unocal wedi ymuno â byddin Burma i adeiladu prosiect sy'n cynnwys rhwydwaith o biblinellau. Arweiniodd hyn at lafur gorfodol, artaith, trais rhywiol, lladd allfarnol ac ymosodiadau ar leiafrifoedd brodorol ac ethnig.[4]
Gweithgareddau
golyguMae'r sefydliad yn cymryd rhan mewn achosion llys yn erbyn troseddau yn erbyn hawliau dynol a throseddau amgylcheddol, mae'n darparu hyfforddiant i weithredwyr, cyfreithwyr ac arweinwyr cymdeithas sifil i amddiffyn hawliau dynol a'r amgylchedd, ac yn cefnogi ymgyrchoedd cysylltiedig.
Achosion nodedig
golygu- Doe v. Unocal Corp.
- Wiwa v. Royal Dutch Shell Co.
- Doe v. Chiquita Brands Rhyngwladol
Yn fwy fanylach:
- Doe v. Unocal Corp.
Ym 1997 cyrhaeddodd yr achos cyfreithiol hon Lys Rhanbarth Canolog California. Yr honiad oedd bod pobl yn cael eu gorfodi i weithio yn ystod y gwaith o adeiladu piblinell nwy gan fyddin Burma a'u bod wedi'u harteithio, wedi eu treisio'n rhywiol a'u cam-drin drwy droseddu yn erbyn eu hawliau dynol eraill. Cyhuddwyd Unocal o gydymffurfiaeth oherwydd y cydweithio rhwng y cwmni a'r fyddin. Yn 2004, cytunodd Unocal i dalu iawndal. Mae'r achos bellach drosodd.[5][6]
- Wiwa v. Royal Dutch Shell Co.
Yn y 1990au, gwelwyd trais mewn protestiadau gan bobl Ogoni yn Nigeria, a hynny gan fyddin Nigeria, gyda sifiliaid yn cael eu poenydio a’u dienyddio. Roedd y cyhuddiadau yn erbyn Shell hefyd yn cynnwys llygredd aer a dŵr a cipio tir. Yn 2009, cytunodd Royal Dutch Shell, a gyhuddwyd o gydweithio â'r fyddin, i setliad ariannol enfawr. Mae'r achos wedi'i gau.[7]
- Doe v. Chiquita Brands International
Yn 2007, cychwynnodd EarthRights International achos cyfreithiol pan gyhuddwyd Chiquita o arteithio, troseddau rhyfel a thorri hawliau dynol eraill. Cyfaddefodd Chiquita ei fod yn darparu cymorth ariannol i derfysgwyr yn Colombia ond heb dalu iawndal i deuluoedd pobl a laddwyd gan y terfysgwyr hyn. Mae'r achos yn parhau (2022).
Cyfeiriadau
golygu- ↑ "Myanmar Project Fueling International Controversy". Los Angeles Times. November 24, 1996.
- ↑ "Storyteller for Human Rights". The Progressive. September 1999.
- ↑ "Katie Redford's pipe dream". The Boston Globe. October 22, 2003.
- ↑ "EarthRights International". EarthRights International. Cyrchwyd 2022-05-07.
- ↑ "John Doe I et al. v. Unocal Corp. et al". International Crimes Database. Archifwyd o'r gwreiddiol ar 2022-06-16. Cyrchwyd 2022-05-07.
- ↑ "Katie Redford's pipe dream". Boston News. Cyrchwyd 7 Mai 2022.
- ↑ Deddf#ref1202795 "Deddf Hawliadau Camwedd JAlien Unol Daleithiau [1789]" Check
|url=value (help). Britannica. Cyrchwyd 2022-05-07.