Edrych am Jiwlia
band pop Cymraeg o'r 1980au
Grŵp pop Cymraeg o Gaerdydd oedd Edrych am Jiwlia a ffurfiwyd yn 1985.[angen ffynhonnell]
 Siôn Lewis, Siôn Jobbins, Rhisiart Williams a Huw Bunford - Edrych am Jiwlia. Cyngerdd yng Nghricieth; Eisteddfod Porthmadog 1987. | |
| Enghraifft o'r canlynol | band  |
|---|---|
| Gwlad |  Cymru |
| Label recordio | Ankst |
| Dod i'r brig | 1985 |
| Dod i ben | 1989 |
Aelodau
golygu- Siôn Jobbins - llais, geiriau
- Siôn Lewis - gitâr, cerddoriaeth
- Huw Bunford - gitâr fâs
- Rhisiart Williams - drymiau
Hanes
golyguBu ymddangosiadau ar raglen ieuenctid S4C Stîd a dau fideo ar Fideo 9 - Myfyrio a Dau Berson.
Wedi chwalu'r grwp yn 1989 aeth Siôn Lewis a Huw Bunford ymlaen i ffurfio grŵp Y Gwefrau gyda Rebecca Evans a Gwenllian Lewis (chwaer Siôn yn canu), Pippa Mahoney ar y gitâr ac Owen Stickler ar y drymiau (a drymiwr grwp Y Crumblowers, grŵp arall o Gaerdydd ).
Bu Siôn Lewis yna'n aelod o grŵp Profiad Rhys Lloyd ddaeth maes o law yn Y Profiad a chyfrannodd i nifer o grwpiau pop Cymraeg eraill yn cynnwys Tynal Tywyll.
Aeth Huw Bunford yn ei flaen i fod yn un o aelodau Super Furry Animals.
Disgyddiaeth
golygu- "Chi yw'r ateb i Bopeth" ar sengl aml-gyfrannog rhaglen Bilidowcar, Popdri (1985)
- Gwilym Roberts (Caset, 1987) - enwyd fel teyrnged i Gwilym Roberts, athro ac ymgyrchydd iaith poblogaidd ac amlwg yng Nghaerdydd
- "Cydwybod Euog" ar gaset aml-gyfrannog Gwyrdd, Mudiad Ieuenctid Plaid Cymru (1987)
- "Myfyrio" ar EP amlgyfrannog Pop Positif (1988)
- Dau Berson - Sengl 7" Ankst (ANKST 06, 1989)
