Eiry Palfrey
Actores, awdur, cynhyrchydd ac astrolegydd Cymreig yw Eiry Palfrey (ganwyd Tachwedd 1939).
| Eiry Palfrey | |
|---|---|
| Ganwyd | Eiry Lloyd Palfrey  Tachwedd 1939 Llanfihangel y Creuddyn |
| Man preswyl | Llanfyllin, Caerdydd |
| Dinasyddiaeth |  Cymru |
| Galwedigaeth | actor |
| Cyflogwr | |
| Adnabyddus am | Prifysgol Aberystwyth |
| Plant | Lisa Palfrey, Daf Palfrey |
Bywgraffiad golygu
Ganed Eiry Palfrey yn Llanfihangel y Creuddyn ger Aberystwyth. Cafodd ei magu a'i haddysgu yn Llanfyllin, Sir Drefaldwyn ac fe astudiodd Cymraeg ym Mhrifysgol Cymru Aberystwyth. Mae'n byw yng Nghaerdydd.[1][2]. Mae'n fam i'r actores Lisa Palfrey a'r cyfarwyddwr Dafydd Palfrey.[3]
Gyrfa golygu
Ar ôl gadael y brifysgol fe aeth i ddysgu am ychydig cyn cael swydd gyda HTV Cymru yn 1974 fel cyflwynydd a darllenydd newyddion. Fe wnaeth hynny tan tua 1982.[4] Yn 1985 fe ddatblygodd HTV Cymru yr opera sebon Dinas ar gyfer S4C a chafodd Eiry ran yn chwarae'r cymeriad Helen Ambrose. Bu'n gweithio gyda chwmni Teliesyn rhwng 1990 a 2001 fel cynhyrchydd, cyn gadael i ffurfio cwmni cynhyrchu Tracrecord.[5]
Mae'n ymddiddori mewn dawnsio gwerin a bu'n gadeirydd Cymdeithas Dawns Werin Cymru. g Ysgrifennodd y ddrama ddogfen Poncho Mamgu a ddangoswyd ar S4C yn 2008. Roedd y rhaglen yn adrodd hanes Nel Davies a ymfudodd i'r Wladfa ym Mhatagonia ym 1875. Cyfarwyddwyd y rhaglen gan ei mab Dafydd, ei merch Sian Elin oedd tu ôl i'r camera a roedd ei merch arall, Lisa yn chwarae rhan Nel.
Llyfryddiaeth[2] golygu
- Arwyr Gwerin Cymru i Ddysgwyr (Dref Wen)
- Un Tro – Chwedlau Cymru, Cernyw ac Iwerddon i Blant (J.D. Lewis, 1979)
- Cyfres Slici a Slac (Hughes a’i Fab)
- Chwedlau Cymru i Ddysgwyr (Gwasg y Dref Wen, 1982)
- Melangell (Gomer, 2005)
- Hiding Hopcyn (Pont, 2006)
- Llyfr Penblwydd (Gwasg Gomer, 2008)
Cyfeiriadau golygu
- ↑ "Llyfr Pen-blwydd - Eiry Palfrey". BBC Cymru. Cyrchwyd 30 Rhagfyr 2015.
- ↑ 2.0 2.1 "Rhestr Awduron Cymru - Eiry Palfrey". Llenyddiaeth Cymru. Archifwyd o'r gwreiddiol ar 2016-03-05. Cyrchwyd 30 Rhagfyr 2015.
- ↑ O Drelew i Dre-fach, BBC; Adalwyd 2015-12-30
- ↑ Cyfweliad Teliesyn Archifwyd 2016-03-04 yn y Peiriant Wayback. 18 Gorffennaf 2012; Adalwyd 2015-12-30
- ↑ Dinas, Porth; Adalwyd 2015-12-30
Dolenni allanol golygu
- Eiry Palfrey ar wefan Internet Movie Database
- Eiry Palfrey ar Twitter