Emil Aarestrup

Bardd a meddyg Danaidd oedd Carl Ludvig Emil Aarestrup (4 Rhagfyr 180021 Gorffennaf 1856).

Emil Aarestrup
Aarestrup.jpg
Emil Aarestrup
Ganwyd4 Rhagfyr 1800 Edit this on Wikidata
Copenhagen Edit this on Wikidata
Bu farw21 Gorffennaf 1856 Edit this on Wikidata
Odense Edit this on Wikidata
DinasyddiaethDenmarc Edit this on Wikidata
Galwedigaethbardd, meddyg, meddyg ac awdur Edit this on Wikidata

Ganed yn Copenhagen, prifddinas Teyrnas Denmarc. Cafodd ei amddifadu yn 7 oed a'i fagu gan gyfeillion teuluol. Astudiodd feddygaeth ym Mhrifysgol Copenhagen, ac yno cyfarfu â'i gyfnither Caroline Aagard. Priododd Emil â Caroline, a chawsant 13 o blant. Gweithiodd Aarestrup yn feddyg ar ynysoedd Lolland a Fyn am ugain mlynedd.[1] Bu farw yn Odense yn 55 oed.

Cyfansoddodd Aarestrup y rhan fwyaf o'i farddoniaeth yn y cyfnod o 1820 i 1840. Cyhoeddodd y gyfrol Digte ym 1838, ac wedi ei farwolaeth cyhoeddwyd y gyfrol Efterladte Digte (1863). Ni chafodd fawr o werthfawrogiad yn ystod ei oes, ond wedi ei farwolaeth fe'i cydnabuwyd yn un o delynegwyr gwychaf llên Denmarc, ar y cyd â Christian Winther. Cyhoeddwyd casgliad o'i farddoniaeth, gydag ysgrif feirniadol gan Georg Brandes, yn Copenhagen ym 1877.

CyfeiriadauGolygu

  1. (Saesneg) Jack Brondum a Peer L. Aarestrup (goln), "Selected Poems by Emil Aarestrup", The Bridge 39 (2), Prifysgol Brigham Young (2016). Archifwyd o'r dudalen we wreiddiol drwy gyfrwng archive.is ar 29 Mehefin 2021.