Enw yw'r gair a ddefnyddir am rywun neu rywbeth wrth sôn amdano. Mewn gramadeg, mae'n rhan ymadrodd sy'n cyd-ddigwydd â bannod bendant neu amhendant ac ansoddeiriau priodol.

Y GymraegGolygu

Enwau diriaethol a haniaetholGolygu

Mae enwau diriaethol yn cyfeirio at bethau gweladwy; llyfr, ci, a merch, tra bod enwau haniaethol yn disgrifio pethau anweledol; hiraeth, prydferthwch, a thristwch.[1]

Enwau cyffredin a phriodGolygu

Defnyddir y term enwau cyffredin ar gyfer enwau diriaethol neu haniaethol sydd ddim yn arbennig, megis bwrdd, cerdd, ac iaith, a'r term enwau priod yn cyfeirio at enwau diriaethol neu haniaethol arbennig fel pobl, lleoedd, gwasanaethau, a sefydliadau. Fe'i hysgrifennir â phriflythyren i nodi'r arbenigrwydd, megis Taliesin, Cymru, Golwg360, a Merched y Wawr.[1]

Fel arfer, defnyddir priflythrennau ar gyfer enwau brand ond mae'n bwysig cofio nad yw pob enw priod yn enw brand, a nad yw pob enw brand yn enw priod.

Cenedl enwauGolygu

  Prif erthygl: Cenedl enwau

Yn y Gymraeg, mae enwau'n naill ai'n fenywaidd neu yn wrywaidd. Mewn rhai achosion, gall y cenedl enw amrywio am lawer o resymau, megis newid dros amser neu newid yn ôl tafodiaith.

RhagenwauGolygu

  Prif erthygl: Rhagenw

Defnyddir rhagenwau i chwarae rôl enwau mewn brawddeg, fel arfer i roi bwyslais ar rywbeth neu i osgoi ailadrodd enwau.

CyfeiriadauGolygu

  1. 1.0 1.1 Thomas, Peter Wynn (1996). Gramadeg y Gymraeg. Caerdydd: Gwasg Prifysgol Cymru. ISBN 978-0-7083-1345-9.
Chwiliwch am enw
yn Wiciadur.
  Eginyn erthygl sydd uchod am ieithyddiaeth. Gallwch helpu Wicipedia drwy ychwanegu ato.