Eric McCormack

Mae Eric James McCormack (ganwyd 18 Ebrill, 1963) yn actor, cerddor, ysgrifennydd a chynhyrchydd rhaglenni teledu Americanaidd-Canadaidd. Mae ef wedi ennill Gwobr Emmy.

Eric McCormack
Ganwyd	Eric James McCormack  18 Ebrill 1963  Toronto
Man preswyl	Vancouver
Dinasyddiaeth	Unol Daleithiau America, Canada
Alma mater	Prifysgol Ryerson Sir John A. Macdonald Collegiate Institute
Galwedigaeth	actor, actor teledu, sgriptiwr, actor llwyfan, actor ffilm, cyfarwyddwr ffilm
Plaid Wleidyddol	plaid Ddemocrataidd
Gwobr/au	Gwobr Emmy, Gwobr 'Walk of Fame' Canada, Primetime Emmy Award for Outstanding Lead Actor in a Comedy Series, seren ar Rodfa Enwogion Hollywood, GLAAD Vanguard Award

Mae'n fwyaf adnabyddus am ei rôl fel Will Truman yn y rhaglen gomedi sefyllfa Will & Grace.

Ei fywyd cynnar

Ganwyd McCormack yn Toronto, Ontario, Canada, yn fab i wraig tŷ, Doris a dadansoddwr ariannol i gwmni olew, Keith McCormack. Mae ganddo linach Cherokee ac Albanaidd. Mynychodd Athrofa Colegol Syr John A. Macdonald yn Scarborough, Ontario. Aeth McCormack i'r un ysgol uwchradd a David Furnish, gwr Elton John. Cafodd McCormack ei addysg a'i hyfforddiant actio yng Nghanada yn y Ryerson University School of Theatre yn Toronto,ac mae McCormack wedi bod yn ymddangos mewn cynyrchiadau teledu ers iddo ddechrau'i yrfa ym 1986.

Ei yrfa fel actor

Chwaraeodd McCormack ran y Cadfridog Francis Clay Mosby yn y gyfres deledu fer Lonesome Dove: The Series (1994), a Lonesome Dove: The Outlaw Years (1995). Chwaraeodd ran yr anfarwol Matthew McCormick yn Highlander: The Series, rhaglen "Manhunt" (1996). Ym 1997, ymddangosodd mewn rhaglen o The Outer Limits mewn pennod o'r enw "Tempests". Ym 1998 actiodd McCormack mewn ffilm gwlt o'r enw Free Enterprise gyda William Shatner. Chwaraeodd gymeriad a oedd yn seiliedig ar fywyd cyd-ysgrifennydd y ffilm Mark A. Altman. Mae ffilm ddilynol yn cael ei chynllunio ar hyn o bryd a disgwylir y bydd McCormack yn cymryd y rôl fel Mark.

Daeth enwogrwydd ac adnabyddiaeth i McCormack yn sgîl ei rôl fel y cyfreithiwr hoyw Will Truman yng nghomedi sefyllfa NBC Will & Grace o 1998 hyd 2006.