Agor y brif ddewislen

Mae Felicity Rose Hadley Jones (ganed 17 Hydref 1983) yn actores Seisnig. Dechreuodd ei gyrfa actio broffesiynol fel plentyn, yn ymddangos yn The Treasure Seekers (1996) yn 12 mlwydd oed. Aeth yn ei blaen i chwarae Ethel Hallow mewn un gyfres o'r rhaglen deledu The Worst Witch a'i dilyniant Weirdsister College. Cymerodd amser o actio tra'n mynychu Coleg Wadham, Rhydychen, ond y mae wedi gweithio'n rheolaidd ers graddio yn 2006. Ar y radio, fe'i hadnabyddir am chwarae'r rôl Emma Grundy yn The Archers. Yn 2008, ymddangosodd yng nghynhyrchiad y Donmar Warehouse o The Chalk Garden.

Felicity Jones
FelicityJonesTIFFSept2011.jpg
Jones yng Ngŵyl Ffilmiau Ryngwladol Toronto, 2011
Ganwyd (1983-10-17) 17 Hydref 1983 (35 oed)
Bournville, Birmingham, Lloegr
Enwau eraillFelicity Rose Hadley Jones
Yn enwog amThe Theory of Everything
GalwedigaethActores

Ers 2006 mae Jones wedi ymddangos mewn nifer o ffilmiau, gan gynnwys Northanger Abbey (2007), Brideshead Revisited (2008), Chéri (2009), a The Tempest (2010).

Canmolwyd ei pherfformiad yn y ffilm 2011 Like Crazy ac enillodd sawl gwobr gan gynnwys gwobr arbennig y beirniaid yng Ngŵyl Ffilmiau Sundance yn 2011. Yn 2014, fe'i chanmolwyd eto ar gyfer ei pherfformiad fel Jane Hawking yn The Theory of Everything, ac fe'i henwebwyd ar gyfer Gwobrau Glôb Aur, SAG, BAFTA, ac Academi ar gyfer yr Actores Orau.

Cynnwys

Bywyd cynnarGolygu

Ganwyd a magwyd Jones yn Bournville, maestref gefnog yn Birmingham, yn ferch i Julia (yn gynt Hadley), a Gareth Jones. Ei hewythr yw'r actor Michael Hadley. Mae ganddi un brawd. Roedd ei thad yn newyddiadurwr ac roedd ei mam yn gweithio yn y diwydiant hysbysebu.[1] Ysgarodd ei rhieni pan roedd yn dair mlwydd oed, a fe'i magwyd gan fam sengl.[1][2][3]

Ar ôl mynychu Ysgol Ferched Kings Norton, mynychodd Jones Ysgol Handsworth King Edward VI tra'n astudio ar gyfer ei lefelau-A ac aeth yn ei blaen i gymryd blwyddyn allan (yn ystod y flwyddyn ymddangosodd yng nghyfres y BBC Servants). Astudiodd Saesneg yng Ngholeg Wadham, Rhydychen, yn graddio gyda gradd ail ddosbarth uwch yn 2006. Tra'n astudio Saesneg, ymddangosodd mewn dramâu myfyrwyr, gan Attis lle chwaraeoedd y rôl deitl,[4] ac, yn 2005, The Comedy of Errors gan Shakespeare ar gyfer taith haf yr OUDS i Siapan, yn serennu gyda Harry Lloyd.

 
Jones yng Ngŵyl Ffilmiau Ryngwladol Toronto 2014

Bywyd personolGolygu

Yn 2013, gwahanodd Jones o'i chariad Ed Fornieles, roedd wedi bod gyda'i gilydd am ddeng mlynedd. Gweithiai Fornieles fel cerflunydd ac artist ar y we.[2][5] Cwrddodd y ddau tra roedd Jones yn astudio ym Mhrifysgol Rhydychen ac roedd Fornieles yn astudio yn Ysgol Gelf Ruskin.[2][6]

FfilmyddiaethGolygu

TeleduGolygu

Blwyddyn Teitl Rôl Nodiadau
1996 The Treasure Seekers Alice Bastable Ffilm
1998–99 The Worst Witch Ethel Hallow 11 pennod
2001 Weirdsister College Ethel Hallow 13 pennod
2003 Servants Grace May 6 phennod
2007 Northanger Abbey Catherine Morland Ffilm
2007 Cape Wrath Zoe Brogan 8 pennod
2008 Doctor Who Robina Redmond Pennod: "The Unicorn and the Wasp"
2009 The Diary of Anne Frank Margot Frank 5 pennod
2011 Page Eight Julianne Worricker Ffilm
2014 Salting the Battlefield Julianne Worricker Ffilm
2014 Girls Dot Pennod: "Role-Play"
2016 Galaxy World of Alisa Angelina (llais) Llais Saesneg Prydain

FfilmiauGolygu

Blwyddyn Teitl Rôl Nodiadau
2008 Flashbacks of a Fool Ruth ifanc
2008 Brideshead Revisited Lady Cordelia Flyte
2009 Chéri Edmée
2010 Cemetery Junction Julie Kendrick
2010 Soulboy Mandy Hodgson
2011 The Tempest Miranda
2011 Chalet Girl Kim Matthews
2011 Like Crazy Anna Maria Gardner
2011 Albatross Beth Fischer
2011 Hysteria Emily Dalrymple
2012 Cheerful Weather for the Wedding Dolly Thatchem
2013 Breathe In Sophie
2013 The Invisible Woman Nelly Ternan
2014 The Amazing Spider-Man 2 Felicia Hardy
2014 The Theory of Everything Jane Wilde Hawking
2015 True Story Jill
2016 Collide Juliette Ôl-gynhyrchu
2016 A Monster Calls Mam Ôl-gynhyrchu
2016 Inferno Sienna Brooks Ôl-gynhyrchu
2016 Rogue One: A Star Wars Story Ffilmio

TheatrGolygu

  • The Snow Queen, Cwmni Theatr Creation (2005–06), Gerda[7]
  • That Face, Theatr y Llys Brenhinol (2007), Mia
  • The Chalk Garden, Donmar Warehouse (2008), Laurel
  • Luise Miller, Donmar Warehouse (2011), Luise Miller

CyfeiriadauGolygu