Fesigl semenol

Fesigl semenol
Enghraifft o'r canlynol	strwythur anatomegol, dosbarth o endidau anatomegol
Math	fesigl, organ component gland, endid anatomegol arbennig
	Ffeiliau perthnasol ar Gomin Wicimedia

Organau cenhedlu gwrywaidd

pledren gwerddyr (pwbis) pidyn, cal(a) corpws cafernoswm blaen pidyn (glans) blaengroen agoriad wrethrol coluddyn mawr rectwm fesigl semenol dwythell alldaflol (neu ffrydiol) chwarren brostad chwarren Cowper anws fas defferens argaill caill ceillgwd

Mae'r fesigl semenol yn un o bâr o chwarennau a geir yn yr isgeudod, sy'n gweithredu i gynhyrchu llawer o gynhwysion cyfansoddol semen. Maent yn darparu rhwng 60 a 70% o gyfanswm cyfaint y semen^[1].

Strwythur golygu

Mae'r chwarennau semenol yn ddau diwb 5 cm o hyd. Fe'u lleolir rhwng ffwndws y bledren a'r rectwm. Eu perthynas anatomegol bwysicaf yw gyda'r vas deferens, sy'n cyfuno â dwythell y fesigl semenol i ffurfio'r ddwythell alldaflol, sydd wedyn yn draenio i'r wrethra prostatig^[2].

Yn fewnol mae gan y chwarren strwythur crwybrog, gyda llabedennau a mwcosa wedi'i linio gan epitheliwm. Mae'r celloedd hyn yn cael eu dylanwadu gan destosteron sydd yn gwneud iddynt dyfu'n dalach gyda lefelau uwch. Maent yn gyfrifol am gynhyrchu secretiadau semenol.

Swyddogaeth golygu

Mae gan secretiadau'r chwarren semenol rôl allweddol yng ngweithrediad semen, gan greu hyd at 70% o'i gyfaint cyfan. Mae'r secretiadau yn cynnwys;

hylif alcalïaidd - sydd yn niwtraleiddio asidedd y wrethra gwrywaidd a'r fagina er mwyn hwyluso goroesiad sbermatosoa.
ffrwctos – math o siwgr sy'n ffynhonnell ynni ar gyfer y sbermatosoa.
prostaglandinau - sy'n rhwystro ymateb system imiwnedd corff y fenyw rhag ymosod ar y semen o gorff estron.
ffactorau ceulo - a gynlluniwyd i gadw semen yn llain atgenhedlu'r fenyw wedi i'r dyn alldaflu.

Mae gweddill y semen yn cynnwys sbermatosoa o'r ceilliau, secretiadau o'r brostad a mwcws o'r chwarennau bulbourethral.

Anhwylderau golygu

Mae anhwylderau'r fesigl semenol yn cynnwys llid^[3] codennau, crawniadau, anomaleddau cynhenid, cyst hydatid, cerrig calsiwm a thiwmorau.

Cyfeiriadau golygu

↑ Encyclopædia Britannica Seminal vesicle adalwyd 29 Ionawr 2018
↑ Teach me anatomy Seminal vesicals adalwyd 29 Ionawr 2018
↑ International Journal of Andrology 27 Medi 2011, Male accessory gland infection and sperm parameters (review) S. La Vignera et all adalwyd 29 Ionawr 2018

[1] Encyclopædia Britannica Seminal vesicle adalwyd 29 Ionawr 2018

[2] Teach me anatomy Seminal vesicals adalwyd 29 Ionawr 2018

[3] International Journal of Andrology 27 Medi 2011, Male accessory gland infection and sperm parameters (review) S. La Vignera et all adalwyd 29 Ionawr 2018

[1]

[2]

[3]