Ffredrig I, brenin Prwsia

Uchelwr Prwsiaidd o deulu'r Hohenzollern oedd Ffredrig I (Almaeneg: Friedrich I.; 11 Gorffennaf 1657 – 25 Chwefror 1713) a fu'n Frenin Prwsia o 1701 hyd at ei farwolaeth. Wedi iddo etifeddu teitlau Etholydd Brandenburg a Dug Prwsia oddi ar ei dad, Ffredrig Wiliam, yn 1688, llwyddodd i ehangu ei diriogaethau ac atgyfnerthu ei afael arnynt er mwyn gwrthod penarglwyddiaeth yr Ymerodraeth Lân Rufeinig a choroni ei hunan yn frenin cyntaf Prwsia.

Ffredrig I, brenin Prwsia
Ganwyd	11 Gorffennaf 1657  Königsberg
Bu farw	25 Chwefror 1713  Berlin
Dinasyddiaeth	yr Almaen
Galwedigaeth	gwleidydd
Swydd	Brenin Prwsia, Prince-Elector, Margrave of Brandenburg, Duke of Prussia
Tad	Frederick William o Brandenburg
Mam	Countess Louise Henriette of Nassau
Priod	Elisabeth Henriette of Hesse-Kassel, Sophie Charlotte o Hannover, Sophia Louise of Mecklenburg-Schwerin
Partner	Catharina Rickert
Plant	Princess Luise Dorothea of Prussia, Friedrich Wilhelm I o Brwsia, Friedrich August Prinz von Brandenburg, unnamed son von Hohenzollern
Perthnasau	Sophia o Hannover, Siôr I, brenin Prydain Fawr, Margrave Frederick William of Brandenburg-Schwedt, Frederick Henry o Orange-Nassau, Iarlles Louise Juliana o Nassau, Elizabeth Charlotte of the Palatinate, Frederick V, Elector Palatine, Sophie Charlotte o Hannover, Sophie Dorothea o Hannover, Charlotte Amalie of Hesse-Kassel, Frederick IV of Denmark, Hedwig Sophie of Brandenburg, Elisabeth Henriette of Hesse-Kassel
Llinach	Tŷ Hohenzollern
Gwobr/au	Urdd yr Eryr Du, Urdd y Gardas, Marchog Urdd yr Eliffant
llofnod

Ganed yn Königsberg, yn fab i Ffredrig Wiliam, Etholydd Brandenburg a Dug Prwsia, a elwir "yr Etholydd Mawr", a'i wraig Louise Henriette, Iarlles Nassau. Wedi marwolaeth ei dad yn 1688, aeth Ffredrig ati i weithredu'r polisi o ymddyrchafu Dugiaeth Prwsia, a hynny gyda chefnogaeth ei brif weinidog Eberhard von Danckelmann, a fu'n diwtor iddo pan oedd yn fachgen. Tyfodd ei fyddin a chynhaliodd lys brenhinol ysblennydd mewn ymgais i hyrwyddo'i rym. Ymgynghreiriodd ag Archddugiaeth Awstria, Teyrnas Lloegr, a Gweriniaeth yr Iseldiroedd yn erbyn Teyrnas Ffrainc yn niwedd yr 17g. Anfonodd Ffredrig luoedd Prwsiaidd i amddiffyn yr Iseldiroedd yn 1688 pan aeth Wiliam o Oren i dderbyn coron Loegr, a brwydrodd y Prwsiaid yn ffyddlon dros yr Ymerodraeth Lân Rufeinig yn Rhyfel y Gynghrair Fawr (1689–97).

Ar 16 Tachwedd 1700, arwyddwyd Cytundeb y Goron gan Ffredrig a Leopold I, Ymerawdwr Glân Rhufeinig ac Archddug Awstria, yn rhoddi caniatâd i Ffredrig goroni ei hunan yn Frenin Prwsia, a ddigwyddodd yn Königsberg ar 18 Ionawr 1701. Yn ôl telerau'r cytundeb, danfonodd Ffredrig luoedd ychwanegol i frwydro dros achos y Habsbwrgiaid yn Rhyfel Olyniaeth Sbaen (1701–14). Er i'w deyrnas brofi'n gynghreiriad ffyddlon i Awstria, gwobrwywyd dim ond ychydig o diriogaethau iddi yng Nghytundeb Utrecht (1713). Bu farw Ffredrig ym Merlin yn 55 oed, a chafodd ei olynu yn Frenin Prwsia gan ei fab Ffredrig Wiliam.