Agor y brif ddewislen

Gwarchodfa Natur Fiddler's Elbow

gwarchodfa natur yn Nhrefynwy
(Ailgyfeiriad oddi wrth Fiddler's Elbow)

Gwarchodfa goediog, serth yw Fiddler's Elbow (neu Fiddlers Elbow) i’r gogledd-ddwyrain o dref farchnad Trefynwy, yn agos at y ffin rhwng Cymru a Lloegr. Mae’r warchodfa’n rhan o Safle o Ddiddordeb Gwyddonol Arbennig (SoDdGA) Fiddler's Elbow ac Ardal Cadwraeth Arbennig Coetiroedd Dyffryn Gwy.

Gwarchodfa Natur Fiddler's Elbow
Fidler's Elbow 1.jpg
Math gwrthrych daearyddol Edit this on Wikidata
Daearyddiaeth
Sir Sir Fynwy Edit this on Wikidata
Gwlad Baner Cymru Cymru
Cyfesurynnau 51.822°N 2.686°W Edit this on Wikidata
Cod OS SO526139 Edit this on Wikidata

Y Cyfeirnod Grid ydy SO526139 ac mae'r arwynebedd y safle yn 44.93 hectar.

Mae'r safle'n enghraifft dda o goetir llydanddail lled-naturiol. Derw a phisgwydd sydd amlycaf yn y canopi coed ac mae tyfiant da o goed ifanc a blodau ar lawr y goedwig. Mae yma Glychau glas, Marddanadl melyn a Briallu.

Mae coed marw, boed yn dalsyth neu’n pydru ar lawr y goedwig, yn cynnig cynefinoedd allweddol i greaduriaid di-asgwrn cefn, i ffwng a rhywogaethau eraill yn y coed.

Mae pathewod i’w gweld yn y coed; dydyn nhw ddim yn hoff o ddod i lawr i’r ddaear ac mae angen cysgod llawer o blanhigion arnyn nhw er mwyn iddyn nhw symud o amgylch yn rhwydd. Maent yn bwydo ar amrywiaeth o goed a llwyni, megis: Cyll, Mwyar, Derw a Gwyddfid.

Bydd iyrchod i’w gweld yn gyson yng nghoedydd Fiddler's Elbow. Fodd bynnag, mae’r rhain yn achosi problemau i’r rheolwyr; os byddan nhw’n pori gormod ar y coed ifanc, fydd y coedwigoedd ddim yn cael eu hadnewyddu. O ganlyniad, mae rhannau o’r coedydd wedi eu ffensio i atal yr anifeiliaid.

Gweler hefydGolygu

CyfeiriadauGolygu