Hanan Issa

Bardd, gwneuthurwr ffilmiau, sgriptiwr ac artist Cymreig-Iracaidd yw Hanan Issa (ganwyd 1986/1987). Hi yw Bardd Cenedlaethol Cymru yn 2022.[1][2][3]

Hanan Issa
Bardd Cenedlaethol Cymru
Deiliad
Cychwyn y swydd
July 2022
Rhagflaenwyd ganIfor ap Glyn
Manylion personol
Ganwyd1986/1987 (oed 35–36)
CenedligrwyddWelsh
SwyddWriter
Gwefanhananissa.com

BywgraffiadGolygu

Magwyd Issa yng Nghaerdydd. Ei chyhoeddiad unigol cyntaf oedd My Body Can House Two Hearts, pamffled o farddoniaeth a gyhoeddwyd gan Burning Eye Books yn 2019. Roedd y pamffled yn un o dri i ennill cystadleuaeth pamffled gyntaf Burning Eye.[4] Er ei bod o gefndir Arabaidd Iraci, dydy ddim yn rhugl yn yr iaith Arabeg.[5]

Yn ystod ei gyrfa ysgrifennu, mae Issa hefyd wedi gweithio fel gwneuthurwr ffilmiau a sgriptiwr. Yn 2017, perfformiwyd ei monolog buddugol With Her Back Straight yn Theatr y Bush fel rhan o brosiect Hijabi Monologues.[6] Yn 2020, derbyniodd Issa gomisiwn gan Ffilm Cymru|BBC Wales, a arweiniodd at ysgrifennu a chyfarwyddo’r ffilm fer The Golden Apple (2022).[7][8] Bu'n gweithio ar y gyfres gomedi Channel 4, We Are Lady Parts, gan weithio ochr yn ochr â chrëwr y sioe Nida Manzoor.[9]

Ochr yn ochr â Darren Chetty, Grug Muse ac Iestyn Tyne, gweithredodd Issa fel golygydd cyfrannol i’r flodeugerdd ysgrifau Welsh (Plural): Essays on the Future of Wales, a gyhoeddwyd gan Repeater Books yn 2022.[10] gydag Issa yn nodi bod “cysylltiadau rhwng un teyrngarwch ac un arall yn llifo mor hawdd i mi ag un corff o ddŵr yn rhedeg i mewn i un arall.”[11] Cyd-olygodd Issa hefyd (gyda Durre Shahwar ac Özgür Uyanık) flodeugerdd y traethawd Just So You Know: Essays of Experience, a gyhoeddwyd gan Parthian Books yn 2020.[12]

Bu i Issa ymddangos ar drafodaeth gyda golygyddion eraill y gyfrol mewn sgwrs ym mis Tachwedd 2022 a drefnwyd dan nawdd y Coleg Cymraeg Cenedlaethol lle trafodwyd beth oedd Cymreictod a natur yr hunaniaeth yn ei amrywiaeth.[13]

Ym mis Gorffennaf 2022, penodwyd Issa yn Fardd Cenedlaethol Cymru, gan olynu Ifor ap Glyn.[14] Gwnaed y cyhoeddiad ar 6 Gorffennaf ar raglen gelfyddydol BBC Radio 4, Front Row, gyda'r cyflwynydd Samira Ahmed yn cyfweld ag Issa yn dilyn y cyhoeddiad.[15] Yn dilyn proses ddethol helaeth, penodwyd Issa am gyfnod o dair blynedd, gyda'i chyfnod i bara tan 2025. Hi oedd y bardd Mwslemaidd cyntaf i ddal y teitl.[16]

'Hyrwyddo Cymru a'r iaith Gymraeg'Golygu

Mewn cyfweliad gyda Cymru Fyw ym mis Gorffennaf 2022, meddai Issa, "Mae barddoniaeth yn bodoli yn esgyrn y wlad hon. Rydw i eisiau i bobl gydnabod Cymru fel gwlad sy'n llawn dop gyda chreadigrwydd; gwlad beirdd a chantorion sydd â chymaint i'w gynnig i'r celfyddydau. Rydw i eisiau parhau â gwaith gwych fy rhagflaenwyr, gan hyrwyddo Cymru a'r iaith Gymraeg tu hwnt i'n ffiniau. Yn fwy na dim rydw i eisiau ennyn diddordeb ac ysbrydoliaeth y cyhoedd fel eu bod nhw yn gweld eu hunain mewn barddoniaeth Gymreig ac annog synnwyr llawer ehangach o'r hyn mae'n ei olygu i fod yn Gymry."

Ychwanegodd, er nad yw'n siarad Cymraeg, ei bod yn dysgu am y gynghanedd, a'i bod yn awyddus i arbrofi gyda'r gynghanedd mewn barddoniaeth Saesneg.

Dywedodd ei bod yn gobeithio y gallai hynny fod yn "bont rhwng y Gymraeg a'r Saesneg" ac "annog mwy i ymwneud ag ieithoedd lleiafrifol fel y Gymraeg".[1]

CyhoeddiadauGolygu

BarddoniaethGolygu

  • My Body Can House Two Hearts (2019) (2019)

Fel golygyddGolygu

  • Just So You Know: Essays of Experience (2020)
  • Welsh (Plural): Essays on the Future of Wales (2022)

Dolenni allanolGolygu

CyfeiriadauGolygu

  1. 1.0 1.1 "Dewis Hanan Issa i fod yn Fardd Cenedlaethol Cymru". BBC Cymru Fyw. 6 Gorffennaf 2022.
  2. "Hanan Issa". Llenyddiaeth Cymru. Cyrchwyd 2022-07-12.
  3. "Wales appoints Hanan Issa as its first Muslim national poet". The Guardian (yn Saesneg). 2022-07-07. Cyrchwyd 2022-07-12.
  4. "Winning Debut Pamphlets Launch This October!". Burning Eye Books (yn Saesneg). 2019-09-03. Cyrchwyd 2022-07-12.
  5. "Pum munud gyda Hanan Issa, Bardd Cenedlaethol Cymru". BBC Cymru Fyw. 13 Gorffennaf 2022.
  6. "Stories announced for Hijabi Monologues London". www.bushtheatre.co.uk (yn Saesneg). Cyrchwyd 2022-07-12.
  7. "Hanan Issa announced as the new National Poet of Wales | AberdareOnline". www.aberdareonline.co.uk. Cyrchwyd 2022-07-13.
  8. "BBC Wales - Ffolio, The Golden Apple". BBC (yn Saesneg). Cyrchwyd 2022-07-13.
  9. "Hanan Issa named National Poet of Wales". The Bookseller (yn Saesneg). Cyrchwyd 2022-07-12.
  10. "Roughly the size of Wales: four reflections on Welsh identity in the 21st century". the Guardian (yn Saesneg). 2022-03-01. Cyrchwyd 2022-07-12.
  11. "Review: Welsh (Plural) - Essays on the Future of Wales". Nation.Cymru (yn Saesneg). 2022-03-12. Cyrchwyd 2022-07-12.
  12. "Just So You Know | Durre Shahwar and Özgür Uyanık". Wales Arts Review (yn Saesneg). 2020-08-19. Cyrchwyd 2022-07-12.
  13. "Cymreig Lluosog, Welsh Plural". Coleg Cymraeg Cenedlaethol. 10 Tachwedd 2022.
  14. Review, Wales Arts (2022-07-07). "Hanan Issa announced as National Poet of Wales". Wales Arts Review (yn Saesneg). Cyrchwyd 2022-07-12.
  15. "BBC Radio 4 - Front Row, New national poet of Wales, Lucian Freud show, The Royal Cornwall Museum, The Blue Woman opera". BBC (yn Saesneg). Cyrchwyd 2022-07-13.
  16. "Hanan Issa is the first Muslim chosen as national poet of Wales". Arab News (yn Saesneg). 2022-07-08. Cyrchwyd 2022-07-12.
  Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.